Apple юзни таниш технологияси ҳисобига Touch ID`дан воз кечади
Apple компаниясига доир инсайдлар билан яхши танилган аналитик Минг-Чи Куо Купертино компанияси ҳақида янги маълумотларни ошкор қилди, деб ёзмоқда Mobil Telefon нашри. Унга кўра, ҳозирда Apple қурилмани хавфсиз блокдан чиқаришнинг янги усулларини, жумладан, юзни таниш технологиясини ишлаб чиқмоқда.
Тахминларга қараганда, iPhone 8 ва iPhone X моделларидаги OLED-дисплейларга оптик бармоқ изи сканери ўрнатилади . Ҳозирда бундай оптик сканер синов босқичида, аммо Apple 2017 йилдаги моделларда ундан фойдаланмаслиги ҳам мумкин. Шунингдек, Apple келгуси моделларга юзни таниш технологиясини ҳам татбиқ этиш ва Touch ID технологиясидан воз кечишни режалаштирган. Аммо ҳозирча бундай функциянинг қачон пайдо бўлиши номаълум.
