Apple’га ишга кириш илинжида австралиялик ўсмир унинг серверларини икки марта бузиб кўрсатди, лекин...

  •   DiMaX
  •  2193
  •  29.05.2019 13:11

Apple’га ишга кириш илинжида австралиялик ўсмир унинг серверларини икки марта бузиб кўрсатди, лекин...

Баъзида уста хакерлар бирор компанияга ишга кириш мақсадида, унинг хавфсизлик тизимини бузиб кўрсатишади – ўз маҳоратини намоён этиш маъносида. Бироқ буни уддалаган шахс ҳали вояга етмаган бола бўлиши ҳам мумкин...

ЎҚИНГ: Ҳайратга лойиқ хакер: ФБР эплай олмаган Apple серверларини мактаб ўқувчиси бузиб кирди!

Австралиялик бир ўсмир ҳам Apple серверларининг муҳофаза тизимини икки марта бузиб кирганлиги аниқланди. Ўзининг тан олишича, бу билан у купертинолик корпорация раҳбариятининг эътиборига тушиш ҳамда унга ишга киришни мўлжаллаган.

Ёш хакер серверларни биринчи бор 13 яшарлигида – 2015 йилнинг декабрида бузган экан. Орадан икки йил ўтиб, у яна хакерлик ҳужумини муваффақиятли тарзда амалга оширган. Тўғри, бунда унга яна бир хакер дўсти ёрдамлашган.

Мазкур ҳужумлар натижасида ўсмир Apple’нинг ички ҳужжатларини ва яна бошқа махфий маълумотларни кўчириб олган. Бундан ташқари, у сохта идентификацион маълумотлар яратган, улар ёрдамида ўзини корпорация ходими сифатида кўрсатиб, корпоратив ҳимоя тизимини ҳам алдаб кира олган.

Булар аниқланиб, ўсмирнинг устидан жиноий иш қўзғатилган. Адвокатининг таъкидлашича, ҳимояси остидаги бола аввалроқ Европада бўлиб ўтган воқеадан илҳомланган – унда худди шундай иши учун бир ёш хакерни Apple’га ишга олишган эди. Бироқ австралиялик хакерчанинг омади келмади – унга иш таклиф этишмаган. Буям камлик қилгандек, 500 долларлик гаров эвазига, тўққиз ойгача назорат остида бўлиши шарти билангина озодликка чиқаришган.

ЎҚИНГ: 14 яшар ўсмирни Apple нега мукофотлаяпти?