Apple’нинг энг қудратли компьютери – модулли Mac Pro 7.1 хусусиятлари илк суратда!

  •   DiMaX
  •  857
  •  14.05.2019 10:55

Apple’нинг энг қудратли компьютери – модулли Mac Pro 7.1 хусусиятлари илк суратда!

Купертинолик корпорация 3–7 июнь кунлари, Калифорния штатининг Сан-Хосе шаҳридаги Мак-Энери номидаги конференциялар марказида WWDC 2019 тадбирини ўтказади. Унда бир қатор маҳсулотлари қатори, Apple’нинг модулли стол компьютери ҳам намойиш этилиши кутилмоқда.

ЎҚИНГ: Адашмас башоратчи Apple бу йил чиқарадиган барча гаджетларни маълум қилди

Imgur нашри эса кеча Mac Pro 7.1 деб номланувчи ушбу янги компьютернинг хусусиятларини кўрсатувчи биринчи суратни эълон қилди. Экранда тақдимот тадбирида намойиш этишга тайёрланган слайд акс эттирилган ва унда навбатдаги Mac Pro техник жиҳатлари кўриниб турибди. Ушбу ҳужжатнинг сўнгги ўзгартирилган санаси – 2018 йилнинг 7 ноябри бўлиб, шунингдек, унда «фақат ички фойдаланиш учун» белгиси ҳам мавжуд:

Ушбу слайддан Mac Pro 7.1 рендерлари ва асосий техник жиҳатларини кўриб олишимиз мумкин. Агарда шу маълумотлар рост бўлиб чиқса, Apple ушбу компьютерида параллелепипед кўринишидаги классик дизайнга қайтмоқда. Гаджетнинг ўлчами анчагина йирик: 195х293х293 миллиметр.

Mac Pro 7.1 компьютерида янги Intel Xeon W процессори, битта ёки иккита AMD FirePro X ёхуд NVIDIA RTX BTO видеокартаси, Apple T2 русумли иккинчи процессор, қандайдир Apple X2 акселератори, DDR5 SO-DIMM туридаги хотира, «Thunderbolt 4»ни ҳам қўллаб-қувватловчи саккизта Thunderbolt 3 порти, иккита HDMI 2.1 порти, 10 гигабитлик Ethernet ҳамда Bluetooth 5.1 интерфейслари қўлланган.

ЎҚИНГ: Apple’нинг энг кўп сотилаётган гаджети маълум бўлди – бу iPhone эмас!

Хабарларни тез ва осон ўқиш учун Андроид иловамизни сақлаб олинг.