Apple'нинг маркетинг режаси иш бермоқдами?

Apple'нинг маркетинг режаси иш бермоқдами?

TF Securities компанияси таҳлилчиси Минг Чи Куо Apple компаниясининг сўнгги iPhone 14 моделларига бўлаётган буюртмаларнинг ҳисоботини эълон қилди.

iPhone 14 Pro Max'га талаб ўтган йили 13 Pro Max'га бўлган талабдан юқори, шунинг учун у «яхши» баҳога баҳоланди. iPhone 14 Pro нейтрал баҳога эга (талаб 13 Pro моделиники билан бир хил), қолган иккита моделнинг натижалари эса «ёмон» деб баҳоланди. 

Демак, Pro моделларга бўлган талаб оддий моделларга қараганда юқори. Умуман олганда, iPhone 14 ва iPhone 14 Plus'га олдиндан берилган буюртмалар сони iPhone 14 сериясининг 45% ни ташкил қилади. 

Қизиғи шундаки, Куо беган маълумотларга кўра, янги Plus моделга бўлган талаб ўтган йилги iPhone 13 mini'га бўлган талабдан пастроқ. Аслида, Apple талаб юқори бўлмаганлиги сабаб mini моделдан воз кечган эди. Ҳатто, бу йилги iPhone SE модели бу борада iPhone 14 Plus'дан яхши натижа кўрсатган эди.  

Агар оддий моделларга талаб кам бўлса, Apple келгуси ҳафталарда уларнинг ишлаб чиқариш ҳажмини камайтириши мумкин. Pro моделларнинг ишлаб чиқариш ҳажмининг ошиши уларга бўлаётган буюртмаларнинг қачонгача давом этишига боғлиқ. 

Аввалроқ Куо Хитойдаги офлайн олдиндан буюртмалар асосида шунга ўхшаш ҳисоботни эълон қилган эди. Унда икки Pro модель олдиндан буюртмаларнинг 85% ни ташкил қилиши, Plus модель учун буюртмалар эса умумий буюртмаларнинг 5% ни ҳам ташкил қилмаслиги маълум бўлган эди. 

iPhone 14 серияси ҳали сотувга чиқмади - ҳозирда олдиндан буюртмалар қабул қилинмоқда, биринчи сотувлар 16 сентябрда бошланиши режалаштирилган. Plus модель келаси ойда сотувга чиқарилади, аммо ҳозирча iPhone 14 Plus'га талаб юқори бўлмаяпти. 

ЎҚИНГ: iPhone 14 смартфонларининг батарея ҳажми қанча?