АҚШ ҳарбий сунъий йўлдошлари тизимини ҳаваскор хакерлар ҳам буза олади
Америка Қўшма Штатлари космик макондаги киберхавфсизлик соҳасида Россия ва Хитойдан жуда орқада қолмоқда. Буни АҚШ Мудофаа вазирлиги вакиллари эътироф этишган, деб ёзади SecurityLab сайти.
ЎҚИНГ: Tesla раҳбари Илон Маск Марсга доимий парвозларни йўлга қўймоқчи (Видео)
АҚШнинг ҳарбий мақсадларда қўллаётган сунъий йўлдошларини нафақат Россия ва Хитой каби фазовий державалар, балки оддийгина ҳаваскор хакерлар ҳам бузиб кира оладилар. Буни АҚШ Ҳарбий ҳаво кучлари штаб бошқармалари бирлашган қўмитаси раҳбарининг ўринбосари Пол Селва тан олиб эътироф этган.
«Космос – ҳақиқий очиқ макон. Агарда қўл остингизда ўз телескопига эга бўлган етарлича ишқибозлар бўлса, Ер орбитасига яқин учаётган барча йўлдошларни аниқлай оласиз. Бу ишқибозларнинг қаерларда жойлашганлигини билсангиз, уларнинг GPS-координаталарини аниқ қайд эта оласиз. Кейин эса, сизни қизиқтираётган фазовий объектни уларнинг қай бири қайси вақтда кўрганини солиштириб, бу объектнинг ҳаракатларини кузатиш имконига эга бўласиз. Шу тариқа, нишонларни аниқлаш учун тайёр тизим юзага келади», – дейди Пол Селва.
ЎҚИНГ: Хакерлар тарихдаги энг йирик ўғирликни содир этишди
Қўшма Штатлар Мудофаа вазирлиги вакилларининг маълум қилишича, Россия ҳамда Хитой мутахассислари ҳозирда сигнал шовқинлари генераторлари ҳамда сигналларни «илиб олувчи» мосламалар яратиш устида ишлашмоқда. Улар эса Америка сунъий йўлдошларининг фаолиятини издан чиқаришга имкон беради. Шунингдек, бу икки мамлакат «ўта аниқ радар тизимларига ҳамда космик жисмларни юқори аниқликда кузатиш тизимларига» эга, дейди П.Селва.
