АҚШ президентлигига номзод Facebook, Google ва Amazon’ни парчалаб ташлашга сўз берди!

Демократик партиядан АҚШ президентлигига номзод сифатида илгари сурилган Элизабет Уоррен (Elizabeth Warren) антиқа баёнот билан чиқиш қилди. Medium сайтидаги постида у йирик технологик компанияларни қисмларга бўлиб юборишини айтган.

ЎҚИНГ: Apple раҳбарига Дональд Трамп «янги фамилия тайинлади»! (+«жонли» видео)

Уоррен хоним ўз постида Facebook, Google ва Amazon каби интернет-компанияларни нега парчалаб юбормоқчи эканлигига ойдинлик киритган. Жумладан, сиёсатчи уларни ўзларининг улкан ресурсларини ўйин майдонини шакллантириш ва потенциал лақобатчиларини сотиб олиш мақсадида ишлатишда айблаган.

Ушбу компанияларнинг таъсирига қарши туриш учун Элизабет Уоррен иккита йўл борлигини айтган. «Аввало, мазкур компанияларнинг бир вақтнинг ўзида хизматлар платформасига эга бўлиши ва ушбу платформанинг исталган иштирокчисига эгалик қилиши тақиқланади», дейди сенатор. Иккинчидан, йирик технологик компаниялар ўзининг эҳтимолий рақобатчиларини қўшиб олиши (сотиб олиши) ман этилади. Уоррен бундай амалиётларга мисол қилиб Amazon томонидан Whole Foods Market компаниясининг сотиб олиниши, Facebook томонидан Instagram сервисининг харид қилинишини келтирган. Сиёсатчининг фикрича, бу кабилар рақобатнинг оёғига болта урган.

ЎҚИНГ: Жавоб юриши: энди Huawei компанияси АҚШ ҳукуматини судга беряпти!