Artel маиший техникаси Божхона иттифоқи бозорларига чиқади

Artel маиший техникаси Божхона иттифоқи бозорларига чиқади

Artel савдо маркаси Божхона иттифоқининг мувофиқлик сертификатини олди. Бу хусусда компания сайтида хабар берилмоқда.

Artel маълумотига кўра, сертификат ягона Божхона иттифоқи ҳудудида компания маҳсулотларини қўшимча рухсатнома ҳужжатларисиз сотилишига имкон яратади.

Artel кондиционерларининг сплит-тизими Божхона иттифоқининг Eurasian Conformity сертификатини қўлга киритди. Компания мазкур сплит-тизимни Россия, Қозоғистон, Беларусь, Қирғизистон ва Арманистон бозорларида сота олади. Artel ишлаб чиқариш ҳажми ўртача 20 фоизга ўсишини мўлжалламоқда.

Келажакда Artel ишлаб чиқарадиган барча техникасига сертификат олишни режалаштирмоқда. Режа амалга ошгач, иттифоқ бозорида компаниянинг газ плиталари, кир ювиш машиналари, музлатгич ва телевизорларини учратиш мумкин бўлади.

Сайтимизнинг энг чиройли расмларини Инстаграмдаги саҳифамизда томоша қилинг!