Арзон Galaxy A20e янги авлод Samsung смартфонлари орасида энг ихчами ҳам бўляпти!
Куни кеча биз Samsung Galaxy A20e смартфонининг биринчи суратларини эълон қилган эдик. Ушбу қурилма Galaxy A20 моделининг сал ихчамлаштирилган ва техник таъминоти соддалаштирилган версияси бўлиши кутилаётганди, аммо унақа эмас экан.
ЎҚИНГ: Яна бир арзон смартфон – Galaxy A20e илк суратларда: Infinity-U экран ва қўш камера!
Янги маълумотларга қараганда, Galaxy A20e анчагина кичкина бўлар экан – дисплейининг ўлчами диагоналига 5,84 дюймга тенг. Эслатиб ўтамиз, Galaxy A20 экрани диагоналига 6,4 дюймлик катталикда.
Янги смартфон корпуси 147,4х69,7 миллиметрлик экан; бу эса ҳаттоки ушбу туркумнинг энг «кичкина» вакили – Galaxy A10 ўлчамларидан ҳам ихчамроқ. Шунингдек, Galaxy A20e ток сиғими 3000 мА/соатлик аккумуляторга ва Exynos 7904 ёки Exynos 7884 процессорига эга бўлиши айтилмоқда.
ЎҚИНГ: Samsung’нинг 2019 йилги энг арзон смартфони – Galaxy A2 Core нималарга қодир?
