Redmi Note 5 Pro'га қарши "арзон Huawei P20 Lite" тақдим қилинди

Кеча, Huawei компанияси Honor Play билан бирга, яна бир ўзига хос ҳамёнбоп смартфонни тақдим этди. Honor 9i деб ном олган бу девайс ташқи кўринишидан Huawei P20 Lite моделига жуда ўхшаб кетади.

Шу билан бирга, ўзгаришлар бор — янги гаджет 5,85 дюймли дисплейга эга бўлган. Экраннинг пикселлар сиғими 2280 х 1080 та белгига тенг. Қолаверса, унинг пешонасида бизга яхши таниш бўлган "айфонча кесиқ" бор. Бу кесиқда динамик, олд камера ҳамда бошқа датчиклар ўрин олган.

Смартфон ўрта имкониятли Kirin 659 процессори, 4 гигабайтли тезкор ҳамда 64/128 Гб доимий хотирага эга бўлган.

Икки сенсорли бош камерада 13 ҳамда 2 мегапикселли датчиклар мавжуд. Селфи-камера аниқлиги эса 16 мегапикселли. Смартфон аккумуляторининг ток сиғими 3000 мА соат.

Нарх-наво

Honor 9i моделининг 64 гигабайтли доимий хотирага эга талқини $220, 128 Гб талқини $265 доллардан, яъни Huawei P20 Lite моделидан анча арзонга сотувга чиқарилади.

Honor 9i 2018 жиҳатлари:

Дисплей: 5.84-inch FHD+ FullView 2280 x 1080 пикселли (ҳар бир дюймда432 ppi), 2.5D қайрилма шиша;
Процессор: 2.36 Ггц, 64 битли ва 8 ядроли Kirin 659;
Видео карта: Mali-T830 MP2 w/ GPU Turbo;
Тезкор хотира: 4 Гб;
Доимий хотира: 64 Гб, microSD орқали 256 гигабайтгача катталаштириш мумкин;
Бош камера: 13MP + 2MP w/ PDAF and LED фоточақноқ;
Селфи камера: 16MP f/2.0 w/, экран орқали ёруғ қилиш;
Аккумулятор: 3,000 мА соат;
Операцион тизим: Android 8.0 Oreo OS w/ EMUI 8.0;
Алоқа имкониятлари: WiFi, 4G LTE w/ VoLTE, Bluetooth 4.2, BLE, aptX, OTG, NFC, FM Radio, GPS, A-GPS, dual SIM (hybrid);
Сенсорлар: акселерометр, ёруғлик сенсори, мўлжал сенсори, оралиқ-масофа сенсори, гироскоп, овоз сенсори ҳамда магнит;
Бошқа жиҳатлар: бармоқ изи сканери, юз орқали тизимни очиш, USB Type-C, Huawei Histen 4.0 audio;
Корпус ранглари: тим қора, кўк, пушти, тилла ранг;
Ўлчамлари: 149.2 x 71.8 x 7.7 мм;
Вазни: 152 грамм.