Asus кичкина, лекин кучли техник хусусиятларга эга мини компютери чиқарди

Asus кичкина, лекин кучли техник хусусиятларга эга мини компютери чиқарди

Asus компанияси ўзининг янги ExpertCenter PN53 деб номланган мини компютерини глобал бозорга тақдим қилди. Гарчи "мини" бўлса ҳам, янги компютер капот остида кучли техник хусусиятларга эга.

Фото: Асус

ExpertCenter PN53 компютери AMD Ryzen™ 6000H сериясидаги процессорлар (Ryzen 9 6900HX, Ryzen 7 6800H ёки Ryzen 5 6600H) ва уларга интеграциялашган AMD Radeon™ 600М сериясидаги графикалар (Radeon Graphics 680М(Р9/Р7) ёки 660М(Р5)) билан жиҳозланган. У 16ГБ дан иккита, ёхуд 32ГБ гача бўлган DDR5 оператив хотирани қўллаб-қувватлайди ва унда 1ТБ HDD учун битта ва М.2 SSD'лари учун иккита жой мавжуд.

Фото: Асус

Компютерда 7 та: олд томонида USB 4 Type-C ва иккита USB 3.2 Gen 1 Type-А, орқасида эса қувват етказиб бериш хусусиятига эга USB 4 Type-C ва яна учта USB 3.2 Gen 1 Type-А портлари мавжуд. Қўшимчасига, микрофон & наушник уяси, 60 герцли 4К мониторларни қўллаб-қувватлайдиган иккита HDMI 2.1, уларнинг пастида монитор, принтер, штрих-код сканери ёки роутер/модем учун созланиши мумкин бўлган битта қўшимча порт, 2.5Гбит тезликка чиқа оладиган симли интернет порти ва DC қувват портлари мавжуд. Хавфсизлик учун компютер орқасида қулф солиш жойи ва ён томонида Kensington қулф уяси ҳам бор.

Фото: Асус

Алоҳида таъкидлаш жоизки, компютер Wi-Fi 6E технологияси ва USB 4 порти билан 8К мониторни ёки тўртта 4К мониторни қўллаб-қувватлай олади. Шу билан бирга, у радиаторларни тоза сақлаш ва чанг ва бошқаларни чиқариб ташлайдиган ўз-ўзини тозалаш тизимига ҳам эга. Унинг ўлчами 120 х 130 х 58 мм бўлиб, оғирлиги атиги 0.75 килограммни ташкил қилади. Афсуски, компютернинг қачон, қанча нархда чиқарилиши ҳозирча номаълум.

ЎҚИНГ: Acer компанияси 16 дюймли энг енгил ноутбукни тақдим қилди

Terabayt.uz сайтининг видеолари: Youtube'даги каналимизда!