Атиги 100 доллардан бошланувчи Redmi 7 Pro смартфонининг ҳам тақдимот вақти яқин!
Яқиндагина ўзининг Redmi Note 7 смартфонини сотувга чиқарган Xiaomi компанияси яқин орада ушбу бренднинг яна иккита янги вакилини тақдим этиш арафасида. Булардан бири шу «ёнғоқчақар»нинг Pro-версияси бўлса, иккинчиси Redmi 7 Pro моделидир.
ЎҚИНГ: Ҳали намойиш этилмаган Redmi 7 Pro илк «жонли» суратларда, қадоғи билан!
Кечагина инсайдерлар Redmi 7 Pro техник хусусиятлари ҳақидаги янги маълумотларни ошкор этишди. «Хитойча Apple» ўзининг ушбу смартфонида ҳам томчисимон «кемтик»ли экран қўллайди. «Ўйиқ»даги 8 мегапикселлик олд камера юзни таниш хусусиятига ҳам эга – унинг ёрдамида ҳам смартфонни қулфдан чиқариш мумкин бўлади.
Корпуснинг орқа панели шишадан ишланиб, юқори чап бурчагида қўшалоқ камера тиккасига ўрнатилади. Бу датчикларнинг асосийси 20, иккинчиси эса 8 мегапикселлик сенсорлар бўлади.
ЎҚИНГ: Xiaomi Redmi 7, Redmi 7A ва Redmi 7 Pro аллақачон сертификатланди – уларнинг тақдимоти яқин!
Redmi 7 Pro моделининг «электрон юраги» сифатида Snapdragon 660 процессори хизмат қилади. Самарадорликни таъминлашда унга смартфоннинг турли вариантларида 3 ГБдан 6 ГБгача ҳажмдаги тезкор хотира кўмакдош бўлади. Доимий хотира ҳажми эса 64 дан 128 гигабайтгача бўлишини айтишмоқда. Ушбу смартфонга тезкор қувватлаш технологияси татбиқ этилади.
Хабарларга кўра, Xiaomi Redmi 7 Pro расмий намойиши жорий йилнинг биринчи чораги охиригача, яъни март ойининг сўнгигача бўлиб ўтади. Энг асосийси – хитойликлар бу моделини 103 доллардан бошланган нархларда таклиф этиши кутилмоқда! Рақобат кучайиб бораётган арзон смартфонлар бозорида шундай қилмаса ҳам бўлмайди-да, чунки...
ЎҚИНГ: Samsung энди Xiaomi билан беллаша олади: Galaxy M смартфонлари кутилганидан ҳам арзон экан!
