Атиги 145 долларлик Xiaomi Mi 8C – ҳамёнбоп флагманнинг соддалаштирилган версияси ҳам тайёр!
«Хитойча Apple» жорий йил май ойининг сўнгида ўзининг юбилей санасига бағишлаб уч хил Mi 8 флагманларини намойиш этганди. Кейинчалик эса ушбу туркум яна иккита модел билан бойитилганидан ҳам хабарингиз бор.
ЎҚИНГ: Mi 8 флагманларидан 6 миллионта сотгач, Xiaomi уларни арзонлатиб юборди!
Энди эса бу компания улар қаторига яна битта – Xiaomi Mi 8C смартфонини ҳам қўшмоқчи. Ҳозирча расман тасдиқланмаган ушбу маълумотни ва янги смартфоннинг «жонли» суратларини хитойлик манбаларга таянган ҳолда iGeekPhone ресурси эълон қилган.
Хабарга кўра, янги смартфон май ойида тақдим қилинган энг арзон флагман – Xiaomi Mi 8 SE моделининг янада соддалаштирилган ва ихчамроқ талқини бўлади. Mi 8C техник таъминоти асосини Xiaomi’нинг ўз ишланмаси бўлган Surge S2 процессори ташкил этади, мазкур чип Xiaomi Mi 6C моделида илк бор қўлланган эди. Янги энг арзон флагман 4 ёки 6 гигабайтлик тезкор ва 64 ёки 128 гигабайтлик доимий хотирага эга бўлади.
Xiaomi ушбу моделиининг 12 мегапикселли асосий камерасини қўш сенсор билан таъминлаган. Олд камера эса селфи ишқибозларига маъқул тушади: 16 мегапикселли датчик, тағин унда юзни таниш орқали тизим қулфини очиш функцияси ҳам бор.
ЎҚИНГ: РАСМАН: Xiaomi Mi Mix 3 тақдимоти бошқа кунга қолдирилди
Mi 8C модели «кемтик»ли экрани, қўшалоқ асосий камераси, орқа панелдаги бармоқ изи сканери, USB Type-C порти, Corning Gorilla Glass 4 ҳимоя шишасидан ишланган корпуси, Bluetooth 5.0 LE, Wi-Fi 802.11ac, A-GPS ҳамда 4G VoLTE модуллари билан ҳам мақтанса арзийди. Иккита SIM-картани қўллаб-қувватловчи ушбу арзон смартфонга қадоқданоқ MIUI 10 график қобиғи остидаги Android Pie операцион тизим талқини ўрнатилган бўлади.
Манбанинг таъкидлашича, Mi 8C модели Xiaomi компаниясининг NFC симсиз тўлов технологиясини қўллаб-қувватловчи энг арзон смартфони бўлади. Унинг нархи 145 АҚШ доллари атрофида бўлиши айтилмоқда. «Хитойча Apple»нинг бир қатор русумлардаги смартфонлари, шу шумладан «Тезкорлик устаси» дея тавсифланувчи арзон флагмани – Pocophone F1 ҳам Terashop.uz интернет-дўконимизда расмий кафолат билан сотилмоқда. Уларга онлайн тарзда буюртма бериш, ўзингизга қулай усулда тўлов қилиш имкониятлари ҳамда Ўзбекистон бўйича бепул элтиб берилиши сизга маъқул келади.
