Атиги 260 долларлик, лекин дисплейи дактилоскопли Meizu 16X янги версияда тақдим этилди
Хитойлик компания ўзининг Meizu 16X смартфонини оқ – Klin white тусли корпусга ҳамда 6/64 гигабайтлик хотирага эга талқинда ҳам сотувга чиқарди. Олдин мазкур модел оқ рангда фақат 128 гигабайтлик ички хотирага эга талқинда чиқарилганди.
ЎҚИНГ: Meizu 16X: сканерли дисплейга эга арзон флагман видеотавсифини томоша қилинг!
Meizu 16X модели 10 нанометрлик технологик жараён асосида тайёрланган Qualcomm Snapdragon 710 процессори базасида ишлайди. Унинг 3100 мА/соатлик ток сиғимига эга аккумулятори эса оммабоп King of Glory ўйинини деярли олти соат ўйнашга ҳам етади!
Арзонлаштирилган вариант бўлса-да, Meizu 16X камерасига кўра Meizu 16th версияси билан бир хил. Яъни, у ҳам Sony IMX380 ва IMX350 датчикларига ҳамда тасвирни оптик барқарорлаштириш технологиясига эга бош камера билан жиҳозланган. Ишлаб чиқарувчи ушбу модели учун 260 доллар сўраётганини ҳисобга олсак, бу нарх доирасида бунақа камерали смартфон топиш амримаҳол.
Дарвоқе, Terashop.uz интернет-дўконимизда савдога қўйилган Meizu’нинг турли русумлардаги смартфонлари куни кеча арзонлашди! Энди уларни 700 000 сўмдан бошланувчи нархларда онлайн усулда сотиб олиш мумкин!
