Аукционда биринчи «чиройли» мобил рақам 5,3 млн сўмга сотилди

Аукционда биринчи «чиройли» мобил рақам 5,3 млн сўмга сотилди

11 июнда Республика товар-хом ашё биржасининг ахборот тизимида чиройли сонлар комбинациясига эга мобиль телефон рақамини сотиш бўйича илк битим тузилди. Аввалроқ ЎзРТХБ» АЖ ва «COSCOM» МЧЖ (Ucell) ўртасида ҳамкорлик тўғрисида шартнома имзолангани ҳақида хабар берган эдик. 

Ўтказилган электрон савдо натижасига кўра онлайн-аукцион орқали «COSCOM» МЧЖ (Uсellтм) уяли алоқа операторининг (+998 93) 577-88-88 биринчи мобиль рақами сотилди.

Ушбу лот 4 июнь куни Тошкент шаҳар жисмоний шахслари учун савдога қуйилган. Бошланғич баҳоси 4 000 000 сўмлик мобиль рақамнинг сотилиш қиймати 5 360 000 сўмгача ўсган. Ўсиш даражаси бошланғич нархга нисбатан 34%ни ташкил этган.

Савдо ғолиби 5 кун мобайнида тузилган битим бўйича молиявий мажбуриятларни тўлиқ қоплаши ва кейинги 10 кун давомида рақамни «COSCOM» МЧЖ (Uсellтм) офисида расмийлаштириши керак.

ЎҚИНГ: Kutilmaganda «Perfectum» savdoga qo‘yildi!

Terabayt.uz сайтининг видеолари: Youtube'даги каналимизда!