Аукцион учун янги санъат асари: компьютер нархи қарийб ярим миллион долларлик картина яратди
Сунъий интеллект ёрдамида чизилган картина Нью-Йоркдаги Christie's Prints and Multiples аукционида 432 000 долларга сотилди. «Эдмонд Белами» номли портрет сунъий интеллект ёрдамида йирик аукционларда сотиш учун чизилган дунёдаги илк картина ҳисобланади. Даставвал дастурчилар картинани 7000 дан 10 000 долларгача сотилишидан умидвор бўлиб туришган эди. Аммо у рекорд суммага сотилди.
ЎҚИНГ: Сунъий интеллект энди мемларни ҳам тушинади
Картинани Generative Adversarial Networks (GAN) деб номланган алгоритм “чизди”. У Париждаги «Obvious» техно-арт-гуруҳи томонидан яратилган. Ихтирочилар алгоритмга 14 ва 20 асрлар орасида чизилган тахминан 15 000 та портретни киритдилар. Ушбу визуал маълумотлар асосида алгоритм «Генератор»и ўзининг ишини яратишни ўрганди.
«Дискриминатор» деб номланган яна бир ёрдамчи тизим инсон санъати билан «Генератор» ишлаган санъат ўртасидаги фарқни аниқлайди. Жараён то «Дискриминатор» фарқни аниқлай олмай қолгунга қадар давом этди. Шундан кейингина, лойиҳа иштирокчилари картина сотувга тайёр, деган хулосага келишди.
