Августда чиқадиган Galaxy Note 10 сифатли видео ва суратларда батафсил кўрсатилди

  •   DiMaX
  •  1801
  •  07.06.2019 13:36

Августда чиқадиган Galaxy Note 10 сифатли видео ва суратларда батафсил кўрсатилди

Samsung компанияси тайёрлаётган Galaxy Note 10 фаблети компаниянинг энг катта смартфони бўлиши, шунингдек, селфи-камераси стилусга ўтказилиши ҳақида ёзганмиз. Шунингдек, унинг икки версияда чиқарилиши, шулардан биттаси ихчамроқ ва арзонроқ бўлиши ҳам айтилган.

ЎҚИНГ: Galaxy Note 10 суратларда: 6,66 дюймлик экран, тўртталик камера ва тугмачасиз корпус

Энди эса 91mobiles ресурси ҳамда таниқли инсайдер OnLeaks унинг компьютерда тайёрланган сифатли рендер-суратларини ҳамда уч ўлчамли модели видеосини эълон қилишди.

OnLeaks наздида, август ойида тақдим этиладиган Galaxy Note 10 планшетофони, худди Galaxy S10 (сотиб олиш) флагманлари каби Infinity-O туридаги экранга эга. Яъни, унинг дисплейи юқори қисми ўртасида якка модулли олд камера учун тирқиш бўлади. Бироқ унда янада илғор – Dynamic AMOLED панел қўлланади – у 1440х3040 пикселлик HDR10+ форматини қўллаб-қувватлайди. Маълумотларга кўра, янги фаблет дисплейи аввалги авлод – Galaxy Note 9 (харид қилиш) модели экранидан кичикроқ, яъни диагоналига 6,3 дюймлик бўлади.

ЎҚИНГ: Энг кутилаётган бестселлер – Galaxy M40’нинг барча хусусиятлари эълон қилинди!

Мана, қуйидаги видеода уни ўзингиз томоша қилинг:

Бундан ташқари, Galaxy Note 10 орқа панели ҳам ўтган йилги планшетофондан фарқ қилади. Samsung бу гал уч модулли бош камерани юқори чап бурчакка ўрнатган – мазкур дизайн Huawei P30 Pro (сотиб олиш) камерофонини эслатиб юборади. Фаблетнинг бармоқ изи сканери экран остига жойланган.

Samsung Galaxy Note 10 корпусидан 3,5 миллиметрлик қулоқчин тирқиши ҳамда Bixby тугмачаси олиб ташланган. Фаблетнинг чап қиррасида қурилмани ўчириб-ёқиш ҳамда овозини созлаш тугмачалари бор, ўнг қирраси эса бўш қолдирилган. Корпуснинг пастки қиррасида динамик панжараси, стилус уячаси, микрофон ҳамда USB Type-C портига кўзимиз тушади. Смартфоннинг SIM-карта уячаси, микрофон ва инфрақизил порт эса корпуснинг юқори қиррасидан ўрин олган. Унинг ўлчами 162,6х77,4х7,9 миллиметрни ташкил этади.

ЎҚИНГ: Samsung энг антиқа дизайнли смартфонни тайёрлаяпти, лекин бу Galaxy Fold ёки Galaxy Note 10 эмас!

Сайт янгиликларидан доимий хабардор бўлиш учун Телеграм каналимизга қўшилинг!