Автомобиль калити ўтмишда қолади: энди смартфон билан...

CCC (Car Connectivity Consortium) консорциуми ўзининг илк Digital Key стандартини оммага намойиш қилди. У автомобиллар учун вертуал калитни смартфонга юклаб олиш имконини беради.

Ушбу консорциумга таниқли автоконцернлар билан бирга смартфон ишлаб чиқарувчилар ҳам кирган. Улар қаторида Apple, Audi, BMW, General Motors, Hyundai, LG Electronics, Panasonic, Samsung ва Volkswagen каби гигантлар бор.

Вертуал калит ёрдамида  NFC билан таъминланган смартфон орқали   автомобилингизни ҳам очасиз, ҳам ёпасиз, двигателни ёқасиз, истасангиз автомобилингизни бошқа ҳайдовчи бошқаришга  имкон берасиз. Шу билан бирга, мазкур стандарт хавфсизлик масаласига ҳам алоҳида урғу беради.

Консорциум иштирокчилари  аллақачон  Digital Key стандартининг иккинчи босқичи устида тадқиқот ишларини бошлаб юборишган. Янги маҳсулот 2019 йилнинг  биринчи чорагида тақдим этилади. У автомобиль билан смарт-қурилма орасида стандартлаштирилган  аутентификация протоколини тақдим этиши керак.

Хуллас, келгусида кимдир машинангизни ўғирламоқчи бўлса, аввал смартфонингизни қўлга киритиши  керак бўлади.