Айрим iPhone 14 моделлари SIM карта уясига эга бўлмайди

Айрим iPhone 14 моделлари SIM карта уясига эга бўлмайди

Apple'нинг бўлажак iPhone 14 смартфонлари сезиларли даражада яхшилишларга эга бўлиши анчадан бери миш-миш қилинмоқда, хусусан, айрим моделлар янги дисплей, янгича дизайн, янги камера хусусиятларига эга бўлиши аллақачон айтилди. Қўшимчасига, GlobalData компаниясининг техник хизматлар директори, Эмма Моҳр-МcCлуненинг сўзларига кўра, айрим iPhone моделлари SIM карта учун уяга эга бўлмаслиги, улар фақат eSIM технологияси ёрдамида ишлаши мумкин. 

eSIM - бу "embedded SIM" сўзининг қисқартмаси бўлиб, унинг ўзбек тилига таржимаси "ўрнатилган SIM" бўлади. eSIM ҳозирги жисмоний SIM карталарни виртуал кўриниши бўлиб, у қурилмага ички ўрнатилган бўлади ва унга бир нечта телефон рақамларни улаш мумкин. eSIM билан фойдаланувчида ҳеч қандай жисмоний шаклдаги SIM картага эҳтиёж қолмайди. Жисмоний SIM карта ва унинг учун слотнинг олиб ташланиши қурилмада бошқа компонентлар, масалан, батарея учун кўпроқ жой ажратиш имконини беради. Бундан ташқари eSIM технологияси жисмоний SIM карталарга қараганда хавфсизроқ ҳисобланади.

Америка алоқа оператори, АТ&Т'нинг мобил қурилмалар ва аксессуарлар бўйича вице-президенти Жефф Ҳоварднинг таъкидлашича, eSIM ривожланиш натижасидир ва у билан фойдаланувчилар яхшироқ тажрибага эга бўлишади.

Apple 2011 йилдаёқ eSIM технологиясига патент олиш учун ариза берган эди. Бугунги кунда iPhone 11 дан юқори авлод Apple смартфонлари аллақачон eSIM'ни қўллаб-қувватлайди. Шундай экан, бу технология купертинолик компания учун янгилик эмас ва уни қўллаб-қувватлайдиган смартфонлар аллақачондан бери ишлаб чиқилмоқда. 

Бир нечта афзалликлари билан бирга, eSIM ҳам ўзига яраша "минус"га эга. Масалан, eSIM телефон рақамни бошқасига алиштириш, жисмоний SIM картали рақамни алиштиришчалик осон эмас, бунинг учун сиз оператор офисига боришингиз керак бўлади.

Бугунги кунда eSIM технологияси ва уни ўзлаштириш Европа ва Осиё давлатларида ҳам кескин ривожланмоқда, хоссатан, мамлакатимиздаги MobiUz, Beeline ва UzMobile алоқа операторлари ҳам eSIM хизматларини ҳам таклиф қилишади.

ЎҚИНГ: 200 ваттда қувват олувчи смартфон тақдим этилди

Terabayt.uz сайтининг видеолари: Youtube'даги каналимизда!