Барча Galaxy S23 смартфонларининг сифатли маркетинг рендерлари тарқатилди!

Барча Galaxy S23 смартфонларининг сифатли маркетинг рендерлари тарқатилди!

Тақдимот яқинлашгани сари Galaxy S23 смартфонларига оид маълумотлар ҳам кўпаймоқда ва бугун биз бўлажак флагманларнинг расмий маркетинг рендерлари билан танишамиз. Нидерландияда жойлашган Nieuwe Mobile нашри, ҳамда, Эван Бласс Galaxy S23, Galaxy S23+ ва Galaxy S23 Ultra смартфонларини тўрт хил рангларда турли хил бурчаклардан кўрсатилган рендерларини улашди.

Galaxy S23 Ultra'дан бошлайдиган бўлсак, у ўтган йилги Galaxy S22 Ultra'дан ташқи кўринишда деярли фарқ қилмайди. Galaxy Note руҳидаги дизайнга эга смартфон бу йил ҳам 5 та камера сенсорлари билан таъминланган. Уларнинг асосий учтаси қолган иккитасидан каттароқ ва улар ҳалқа билан ўралган. Таққосланганда улар Galaxy S22 Ultra'никидан бироз каттароқ. Миш-мишларга кўра, Ultra модел 200МП асосий камерага эга бўлади. Агар бу тўғри бўлса, у Galaxy cмартфонлари ичида бундай рекорд даражадаги камерага эга бўлган илк модел бўлади. Шунингдек, Galaxy S23 Ultra камералари аввалгисиникига қараганда яхшиланган автофокус ва стабилизацияга эга бўлиши айтилмоқда.

Galaxy S23 ва Galaxy S23+ моделлариган келсак, албатта, улар бир-бирларига жуда ўхшаш. Эҳтимол, уларни ташқи кўринишда бир-биридан ажратиб турадиган ягона фарқ Plus моделнинг ўлчами каттароқ эканлигидир. Иккала смартфонлар ҳам текис ва қиррали томонлари билан iPhone'ни эслатиб юборади. Ўтган йилги бошланғич Galaxy S22 смартфонлари билан таққослаганда бу йилги моделларга камера ороли етишмайди, яъни нозик ҳалқалар билан ўралган камералар бу сафар смартфондан бўртиб чиқиб туради.

Яқинда тақдим қилинган Galaxy А14'дан фарқли ўлароқ Galaxy S23 ва Galaxy S23+ смартфонлари Infinity-О дизайнида ингичка рамкаларга эга ва уларнинг орқа томонидаги учлик камераси ёнидаги LED чироғи бироз юқорида жойлашган. Шундай қилиб, смартфонлар мана шундай ташқи кўринишга эга.

Эндиликда биз уларнинг техник хусусиятлари билан 1 феврал куни танишамиз. Нархлар эса қуйидагича бўлиши таҳмин қилинмоқда:

  • Galaxy S23 8/128 ГБ - $800
  • Galaxy S23 8/256 ГБ  $850
  • Galaxy S23+ 8/128 ГБ - $1,000
  • Galaxy S23+ 8/256 ГБ - $1,050
  • Galaxy S23 Ultra 8/256 ГБ - $1,250
  • Galaxy S23 Ultra 12/512 ГБ - $1,350
  • Galaxy S23 Ultra 12/1ТБ - $1,500

ЎҚИНГ: Galaxy S23 серияси тақдимот санаси расман маълум бўлди

Хабарларни тез ва осон ўқиш учун Андроид иловамизни сақлаб олинг.