Барча моделлардаги ҳамёнбоп MDC смартфонлари янада арзонлашди!

  •   DiMaX
  •  4152
  •  13.12.2018 15:00

Барча моделлардаги ҳамёнбоп MDC смартфонлари янада арзонлашди!

Жорий йил бошидан то ҳозирги кунгача бир қанча моделдаги ҳамёнбоп смартфонларини тақдим этиб, харидорлар орасида танилиб улгурган MDC бренди смартфонлар нархини янада арзонлаштирди. Қуйида ушбу бренд остидаги смартфонларнинг қисқача техник хусусиятлари ва нархлари билан танишамиз. Айтиш керакки, уларнинг барчаси бир йиллик муддатли расмий кафолатга эга.

ЎҚИНГ: Ўзбекистондаги энг арзон қўш камерали смартфонлар ва уларнинг нархлари

MDC Prime Lite

Ушбу моделнинг корпуси рамкаси тўлиқ металлдан ишланган бўлиб, бу хусусият айни вақтда қурилма мустаҳкамлигини таъминловчи муҳим кўрсаткичларидан биридир. Смартфонга 1.3 ГГц такт частотада ишловчи 4 ядроли Mediatek MT6737 процессори ўрнатилган. Гаджетнинг асосий камераси 13 ҳамда 0.3 мегапикселлик иккита сенсордан иборат. Олд камера аниқлиги 8 мегапиксел бўлиб, оригинал тарзда – экраннинг пастки қисмига жойлаштирилган. Бу эса селфи ишқибозлари учун яна бир қулайлик. Смартфон 3G ҳамда 4G стандартларини қўллаб-қувватлайди. Қурилмага иккита SIM-карта тушади, у Android 7.0 (Nougat) операцион тизимида ишлайди.

MDC Prime Lite смартфонининг тавсия этилган нархи: 664 000 сўм.

ЎҚИНГ: MDC Prime Lite – «Малика»даги ноодатий «эконом класс»

MDC Grand

Томонлари 18:9 нисбатли экран бугунги кунда смартфонсозлик саноатидаги энг урфга кирган трендлардан биридир. Ушбу смартфонни яратишда дизайнерлар айнан шу жиҳатни эътибордан четда қолдиришмаган. Смартфон 5.5 дюймлик HD аниқлигидаги дисплей, тўрт ядроли MTK6580 процессор, 8/2 МП камера ва бармоқ изи сканери билан жиҳозланган Қурилмада иккита SIM-картадан фойдаланиш мумкин, Android 7.0 (Nougat) операцион тизимида ишлайди.

MDC Grand смартфонининг тавсия этилган нархи: 625 000 сўм.

ЎҚИНГ: MDC Grand – бармоқ изи сканери ва HD-дисплейга эга энг ҳамёнбоп смартфон!

MDC Nova

Ҳамёнбоп Nova модели тўрт ядроли процессор, 5,7 дюймлик HD+ аниқлигидаги экран, бармоқ изи сканери билан жиҳозланган. Асосий камераси 8 мегапикселлик, олд камера аниқлиги эса 5 мегапикселни ташкил қилади. Яхши томони – ҳар иккала камера ҳам ўзининг фоточақноғига эга. Қурилмага иккита SIM-карта ўрнатиш мумкин.

MDC Nova смартфонининг тавсия этилган нархи: 540 000 сўм.

ЎҚИНГ: MDC Nova – ёшларбоп замонавий смартфон!

MDC Grand Pro

Корпуси «Soft Touch» пластикдан ишланган. Корпус атрофида рамкалар анча бақувват, орқа панель очилади. Дисплей каттали 5.5 дюйм, HD аниқлигида. Смартфон 4 ядроли Mediatek MT6737 процессорида ишлайди. Асосий камераси 8+0.3 МПлик қўш сенсорга, олд камераси эса 5 МПлик модулга эга. Гаджет GSM стандартининг барча диапазонлари, жумладан, 4G (LTE) тармоғида (FDD-LTE B1/3/7/8/20) ҳам ишлайди. Иккита SIM-картани ишини қўллаб-қувватлайди, Android 7.0 (Nougat) операцион тизимида ишлайди.

MDC Grand Pro смартфонининг тавсия этилган нархи: 600 000 сўм.

ЎҚИНГ: MDC Grand Pro – Ўзбекистондаги энг арзон қўш камерали 4G-смартфон

MDC Nova Pro

Орқа панели металлдан ишланган ушбу смартфон такт частотаси 1.3 ГГц бўлган тўрт ядроли Mediatek MTK6737 процессорида ишлайди. Асосий камера 8 МП, олд камера эса 5 МП аниқликда бўлиб, иккала тарафида ҳам LED-чақноқ кўзда тутилган. Шахсий маълумотларни бармоқ изи билан ҳимояласа бўлади. Қолаверса, юзни таниш орқали блокдан чиқариш функцияси – Face Lock технологияси ҳам сизнинг хизматингизда. Nova Pro Ўзбекистондаги барча мобил операторларнинг 4G тармоғида фаолият кўрсатади. Иккита SIM-картани ўрнатиш мумкин, қурилма Android 8.1 (Oreo) операцион тизимида ишлайди.

MDC Nova Pro смартфонининг тавсия этилган нархи: 690 000 сўм.

ЎҚИНГ: MDC Nova Pro: Face Lock функцияли арзон 4G-смартфон сотувга чиқди

MDC М200

Ушбу смартфон дизайни соҳадаги сўнгги трендга асосан ишлаб чиқилган. Қурилма 5.45 дюймлик экран (HD+ аниқлигида), 4 ядроли процессор, 5 МП /2 МП аниқликдаги камералар билан жиҳозланган. Ишлаб чиқарувчи корпуснинг чап томонига яна бир тугма жойлаштирган бўлиб, унинг ёрдамида ўзингизга зарур иловани ёки функцияни тезда ишга тушириш учун созлаб қўйишингиз мумкин. MDC M200 смартфони, бундан аввалги моделлардан фарқли равишда, Android Go Edition платформасида ишлайди. Мазкур операцион тизим Android Oreo операцион тизими асосида яратилган бўлиб, тезкор хотираси 1 ГБ ва ундан кам бўлган ҳамёнбоп смартфонларга мўлжалланган. Қурилмада иккита SIM-картани қўллаш мумкин.

MDC M200 смартфонининг тавсия этилган нархи: 570 000 сўм.

ЎҚИНГ: Android Go тизимли MDC M200 смартфони Ўзбекистонда арзон нархда савдога чиқди!

Сайтимизнинг энг чиройли расмларини Инстаграмдаги саҳифамизда томоша қилинг!