Барча смартфонларга тўлдирилган борлиқ бахш этувчи илова чиқди
Реал дунёдаги нарса-ҳодисаларни виртуал объектлар билан тўлдириш технологияси мобил қурилмаларга тобора кўпроқ кириб келмоқда. Жумладан, Google «яшил роботчали» барча телефонлар учун яқинда ажойиб илова тақдим этди.
ЎҚИНГ: Google iPhone’нинг “жонли сурат” муаммосини ҳал қилади
Motion Stills деб аталган ушбу дастур телефон камераси орқали суратга ёки видеога олишда реал борлиқдаги объектлар орасига виртуал объект – уч ўлчамли стикер жойлаш имконини беради. Натижада унинг ёрдамида олинган сурат ёки видео ўша объект билан тўлдирилган бўлиб чиқади.
Мазкур илова 2017 йилнинг ёзидаёқ тақдим этилган эди, аммо ўшанда уни фақат Pixel ҳамда iPhone смартфонларигагина ўрнатиш мумкин эди. Энди эса тўлдирилган борлиқ иловасини Android тизимидаги барча смартфонларга ҳам ўрнатиш мумкин бўлди. Бунинг учун телефонда гироскоп датчиги мавжуд бўлса кифоя.
ЎҚИНГ: Xiaomi «жонланувчи» расмлар чоп этадиган мўъжизакор чўнтак принтерини чиқарди
Motion Stills ёрдамида виртуал уч ўлчамли стикерни танлаш, унинг ўлчамини ўзгартириш, экранда унинг ўрнини кўрсатиш, жараённи видеоролик ёки gif-сурат тарзида сақлаш мумкин. Стикерлар тўпламида динозавр, товуқ, ўзга сайёралик, робот ва бошқалар бор.
Мазкур дастурни бепул юклаб олиш учун ушбу ҳавола орқали Google Play каталогига ўтишингиз мумкин. iPhone эгалари эса Motion Stills’ни мана бу ҳавола воситасида iTunes’дан ўрната оладилар.
ЎҚИНГ: Windows 10’даги махфий Mixed Reality функциясини фаоллаштирамиз
