Барча Xiaomi смартфонлари учун энг керакли илова чиқди!
Ҳақли равишда «хитойча Apple» дея тавсифланувчи Xiaomi компанияси турли-туман маҳсулотлар ишлаб чиқаради. Аммо дунё бўйлаб унинг айнан смартфонлари кўпроқ машҳур ва бунинг ўзига яраша сабаблари бор.
ЎҚИНГ: Xiaomi смартфонлари бунчалик оммабоплигининг 5 сабаби
Шунингдек, Mi A1 ва ҳали тақдим этилмаган Mi A2’дан ташқари барча моделлардаги Xiaomi смартфонлари учун компания томонидан ишлаб чиқилган Android операцион тизимининг махсус график қобиғи – MIUI прошивкалари ҳам ўзига яраша қулайликларга эга. Мазкур прошивкалар мунтазам тарзда янгиланиб, фойдаланувчиларга қулайликлар тақдим этилиб туради.
Бироқ дунё бўйлаб турли Xiaomi смартфонларига MIUI прошивкалари бир хилда тарқалмаслиги баъзида кишининг ғашига тегади. Агарда прошивка янгиланишлари «ҳаводан» келмаса, смартфон фойдаланувчиси операцион тизимни янгилаш учун компаниянинг расмий сайтига кириб, янги талқини файлини излаб топиши ва ўзи ўрнатиши керак бўлади.
ЎҚИНГ: Миллионлаб Xiaomi смартфонлари эгаларининг яна омади келмади
Шу каби қийинчиликларни бартараф этиш учун, XDA Developers форумидаги yshalsager никли дастурчи Xiaomi Firmware Updater деган янги илова ишлаб чиқди. Номидан ҳам англашилиб турганидек, у Xiaomi смартфонларининг прошивкасини янгиловчи дастур ҳисобланади.
Хуллас, Xiaomi Firmware Updater иловаси смартфон прошивкасини янгилаш жараёнини соддалаштиради. Фойдаланувчи уни ўз қурилмасига ўрнатиб олиб, ишга туширса, Xiaomi серверларида мазкур модел учун янги прошивка чиққан-чиқмаганини автоматик тарзда текширади. Агар MIUI’нинг янги талқини чиққан бўлса, смартфонга ўзи юклаб олади. Шу тариқа, у Xiaomi смартфонларига расмий прошивкаларни ўрнатиш жараёнини соддалаштириб бериши билан жуда керакли иловадир.
ЎҚИНГ: Xiaomi MIUI 10’ни расман намойиш этди
Xiaomi Firmware Updater утилитаси шарофати билан барча «хитойча Apple» смартфонлари эгалари MIUI’нинг энг сўнгги талқинигача янгиланиб олишлари, сўнг эса кейинги барча янгиланишларни бемалол «ҳаводан» олаверишлари мумкин.
Ишлаб чиқувчининг таъкидлашича, бу утилита Xiaomi’нинг барча моделларига ҳам мос тушавермаслиги мумкин. Аммо аллақачон кўпчилик смартфонларга мос тушиши аниқланган ва шу русумлардаги қурилмалар эгалари уни ҳозироқ ўрнатиб олишлари мумкин.
ЎҚИНГ: Xiaomi энди Apple ва Samsung’га зарба беряпти!
Мана, ҳозирча Xiaomi Firmware Updater аниқ мос тушадиган смартфонлар рўйхати қуйидагича:
- HM3: Xiaomi Redmi 3 (ido)
- HM3S: Xiaomi Redmi 3S/Prime/3X (land)
- HM4: Xiaomi Redmi 4 (prada)
- HM4A: Xiaomi Redmi 4A (rolex)
- HM4Pro: Xiaomi Redmi 4 Prime (markw)
- HM4X: Xiaomi Redmi 4X (santoni)
- HM5: Xiaomi Redmi 5 (rosy)
- HM5A: Xiaomi Redmi 5A (riva)
- HM5Plus: Xiaomi Redmi 5 Plus (vince)
- HMNote3Pro: Xiaomi Redmi Note 3 Pro (kenzo)
- HMNote3ProtwGlobal: Xiaomi Redmi Note 3 Special Edition (kate)
- HMNote4: Xiaomi Redmi Note 4 (nikel)
- HMNote4X: Xiaomi Redmi Note 4X (mido)
- HMNote5A: Xiaomi Redmi Note 5A Prime (ugg)
- HMNote5ALITE: Xiaomi Redmi Note 5A (ugglite)
- HMPro: Xiaomi Redmi Pro (omega)
- MI4c: Xiaomi Mi 4c (libra)
- MI4s: Xiaomi Mi 4S (aqua)
- MI5: Xiaomi Mi 5 (gemini)
- MI5S: Xiaomi Mi 5s (capricorn)
- MI5SPlus: Xiaomi Mi 5s Plus (natrium)
- MI5X: Xiaomi Mi 5X (tiffany)
- MI6: Xiaomi Mi 6 (sagit)
- MIMAX: Xiaomi Mi Max (hydrogen)
- MIMAX2: Xiaomi Mi Max 2 (oxygen)
- MIMAX652: Xiaomi Mi Max Prime (helium)
- MIMIX: Xiaomi Mi MIX (lithium)
- MIMIX2: Xiaomi Mi MIX 2 (chiron)
- MINote: Xiaomi Mi Note (virgo)
- MINote2: Xiaomi Mi Note 2 (scorpio)
- MINote3: Xiaomi Mi Note 3 (jason)
- MIPAD3: Xiaomi Mi Pad 3 (cappu)
Xiaomi Firmware Updater иловасини мана бу ҳавола орқали дастурчининг расмий сайтидан кўчириб олиш мумкин.
ЎҚИНГ: Xiaomi смартфонларини AliExpress орқали «Малика»дагидан арзонроққа олинг!
