Бармоқ изи сканери дисплейга жойланган илк смартфон видеосини томоша қиламиз
Ўтган йилнинг декабрь ойи охирида Synaptics компанияси ўзининг Clear ID номли оптик дактилоскопик датчикларини оммавий ишлаб чиқаришга киришганини маълум қилган эди. Шунингдек, мазкур янги технологияга эга смартфон 2018 йилнинг январида бўлиб ўтадиган CES 2018 кўргазмасида намойиш этилиши режалаштирилганлиги ҳақида ҳам ёзганмиз.
ЎҚИНГ: Бармоқ изи сканери экраннинг ўзига жойланган илк смартфон тақдимотига атиги бир ой қолди!
Ушбу технология борасида биринчилик учун етакчи технологик компаниялар ўзаро пойга олиб боришаётган эса-да, бу шарафга нисбатан «бундайроқ» смартфонсоз – Vivo биринчи бўлиб эришди. Унинг янги тақдим этиладиган смартфонида бармоқ изи сканери CMOS-сенсор экрандаги одатий битта нуқтада эмас, балки дисплейнинг бутун юзасида амал қилади.
Шу пайтгача тарқалган хабарларда, ушбу девайс Vivo Xplay7 модели бўлиши тахмин қилинган эди. Кеча – 3 январь куни эса Хитойда мазкур компаниянинг янги смартфони Vivo X20 Plus UD номи остида сертификациядан ўтди, деб ёзади Phone Radar нашри. Эҳтимол, бу – ўша Vivo Xplay7 моделининг кодли номидир.
Қуйида эса Clear ID оптик дактилоскопик датчикли экранга эга Vivo смартфонининг ишлашини кўришимиз мумкин.
Қандай номланишидан қатъи назар, янги технологияга эга илк смартфонни кейинги ҳафта бўлиб ўтадиган CES 2018 тадбирида намойиш этишади.
Дарвоқе, Xiaomi компанияси бармоқ изи сенсори борасида янада илгарилаб кетгани ҳақидаги янгиликдан бохабармисиз?
ЎҚИНГ: Xiaomi дисплейга жойланувчи, тегмасдан бармоқ изини танийдиган сканерни патентлади!
