Барқарор глобал MIUI 10 биринчи бўлиб Xiaomi’нинг арзон смартфонига тарқатилмоқда

  •   DiMaX
  •  1703
  •  12.09.2018 09:34

Барқарор глобал MIUI 10 биринчи бўлиб Xiaomi’нинг арзон смартфонига тарқатилмоқда

Xiaomi компанияси ўзининг бир қатор смартфонлари учун MIUI 10 талқинидаги барқарор прошивкаларни тарқатаётгани ҳақида хабарлар берганмиз. Бироқ уларнинг барчаси Хитой ҳудуди учун амал қилувчи прошивкалар эди.

ЎҚИНГ: Xiaomi’нинг яна 4 хил смартфони учун барқарор MIUI 10 прошивкаси тарқатилмоқда

Ниҳоят, кеча – 11 сентябрдан илк глобал MIUI 10 прошивкаси ҳам якуний талқинда тақдим қилинди. Ушбу дастурий таъминот биринчи бўлиб Xiaomi’нинг ҳамёнбоп телефонларидан бири – Redmi S2 модели учун ишлаб чиқилди.

MIUI 10 Global Stable ROM деб номланган ушбу прошивканинг жамланма рақами V10.0.1.0OEFMIFH бўлиб, апдейт ҳажми 502 мегабайт келади. У сўнгги – тўққизинчи талқиндаги эмас, балки Android 8.1 Oreo талқинидаги операцион тизим асосида яратилган.

График қобиқнинг янги талқини ушбу русумдаги смартфонга бир қатор янги имкониятлар бахш этган. Жумладан, бошқа кўплаб моделлар сингари, энди Redmi S2 ҳам экрандаги қўл ишоралари орқали бошқаришни қўллаб-қувватлайди. Шунингдек, унинг камерасига ҳам «сунъий идрок» функциялари татбиқ этилган. Прошивка интерфейсидан ташқари «Соат» ва «Қайдлар» иловалари ҳам янгиланган.

Ҳозирда бутун дунёдаги Xiaomi Redmi S2 смартфонлари учун MIUI 10 Global Stable ROM прошивкаси «ҳаво орқали» тарқатила бошлаган. Ушбу жараён босқичма-босқич амалга оширилишини ҳисобга олган ҳолда, мазкур моделдаги смартфон соҳибларига ўз қурилмаларида прошивка янгиланишларини текшириб туришларини тавсия этамиз.

ЎҚИНГ: Meizu ёки Xiaomi: қайси бири зўр?

Бордию ўзингизга ёки бирор яқинингизга совға учун смартфон танлашда иккиланаётган бўлсангиз, шу Xiaomi Redmi S2 моделига эътиборингизни жалб этмоқчимиз. У кенг форматли – 5.99 дюймлик HD+ дисплейга ва Snapdragon 625 процессорига эга. «Селфи-киллер» дея тавсифланаётган ушбу девайснинг қўшалоқ камераси 12 + 5 мегапикселли, олд камераси эса 16 мегапикселли сенсорларни ўз ичига олган. Унинг батафсил тавсифини эса мана бу мақоламизда ўқишингиз, суратлари билан танишишингиз мумкин.

Terashop.uz интернет-дўконимиздан 3/32 ГБ хотирали, тилларанг ва кулранг корпусдаги Redmi S2 смартфонини 25 фоизлик чегирма билан – 1 179 000 сўмга харид қилиш имкони бор. Тезкор ва доимий хотираси 4/64 ГБлик талқинини ҳам тилларанг ва кулранг корпусларда, 7 фоизлик чегирма билан, яъни 1 350 000 сўм эвазига олсангиз бўлади. Умуман, «хитойча Apple»нинг аксарият смартфонларини, ҳатто яқинда тақдим этилган «Тезкорлик устаси» – Pocophone F1 ҳамёнбоп флагманини ҳам ушбу дўконимиздан расмий кафолати билан онлайн харид қилишингиз мумкин.

ЎҚИНГ: Terashop.uz’да акция: Xiaomi смартфони харидида оригинал Mi қулоқчини совға! Нархлар билан танишинг (2018 йил 7 сентябрь)

Хабарларни тез ва осон ўқиш учун Андроид иловамизни сақлаб олинг.