Battlefield Mobile қачон чиқарилиши маълум қилинди

Electronic Arts ўйин ишлаб чиқарувчисининг таниқли Battlefield шутер ўйини мобил версияси ўтган йилнинг куз фаслида тақдим қилинган эди. Ҳозиргача ёпиқ тарзда алфа синов жараёнида бўлган ўйиннинг аниқ чиқарилиш санаси маълум эмас, лекин ўтган ҳафта бошида EA молиявий даромадлари бўйича ўтказилган суҳбат давомида компания бош директори Эндрю Уилсон мобил шутернинг чиқарилиши ҳақида қисқача айтиб ўтди:

"Ўйлашимча, биз май ойи охирларида синов жараёнининг навбатдаги босқичига ўтамиз ва кейин биз кўрган кўрсаткичлар, маълумотларга қараб, биз ўйиннинг глобал чиқарилишини жорий йилнинг охирига, келаси йилнинг бошига қарашимиз мумкин."

Battlefield Mobile ўйини бепул бўлиб, унинг ичида сотиб олиш учун Battle Pass ва бошқа косметик нарсалар бўлади ва уни фақат мобил қурилмаларда ўйнаш мумкин.

Ҳозирда кўплаб ўйин ишлаб чиқарувчилари ўз ўйинларининг мобил версиясини чиқаришмоқда. Масалан, Call of Duty'нинг янги мобил ўйини, Rainbow Six Mobile, Valorant Mobile ва бошқалар. Шунингдек, EA ўзининг Apex Legends ўйинининг мобил версиясини эртага глобал чиқаришни режалаштирган, яъни сиз эртаданоқ Apex Legends Mobile ўйинини Play Store ёки App Store дўконларидан бепул юклаб олишингиз мумкин бўлади.

ЎҚИНГ: Компютер учун топ 10 бепул шутер ўйинлар