Beats Fit Pro қулоқчинлари тақдим этилди
Нархи 180 доллар бўлган янги Apple AirPods 3'да фаол шовқинни бекор қилиш функцияси (ANC) мавжуд эмас, лекин 200 долларлик Beats Fit Pro'да ушбу функция мавжуд. Иккила модель ҳам Spatial Audio имкониятини қўллаб-қувватлайди.
ЎҚИНГ: 55 долларлик Redmi Watch 2 Хитойда ҳит смарт соатга айланди
Янги Beats симсиз қулоқчинлари қулоқда жуда яхши ўрнашиб туради ҳамда жисмоний машғулотлар вақтида у қулоқдан тушиб кетмайди. Бундан ташқари қулоқчинлар IPX4 стандартига эга.
Beats Fit Pro мусиқа, фильмлар ва ўйинлар учун Spatial Audio функциясини таклиф этади. Ушбу қулоқчин AirPods каби Apple H1 чипи билан жиҳозланган. Шунингдек, иккила моделда ҳам Audio Sharing функцияси бўлиб, бу иккита қулоқчинни битта смартфонга улаш имконини беради. Яъни битта смартфонга ҳам AirPods, ҳам Beats Pro'ни улаб, мусиқа эшитиш мумкин.
Қулоқчинда шовқинни бекор қилиш функцияси ёниқ бўлса, у олти соат ишлаб бера олади. Агар ушбу функция ўчиқ бўлса, автономлик вақти бир соатга ошади. Қулоқчиннинг қутиси уларни уч мартагача қувватлаш мумкин. Қувватлаш USB-C порти орқали амалга оширилади. MagSafe билан қулоқчинлари қувватланишнинг имкони йўқ. Таққослаш учун, AirPods 3 қулоқчинлари тўлиқ қувват билан олти соат ишлаб бера олади. Унинг қутиси эса тўрт мартагача қулоқчинларини қувватлаш имконига эга.
Beats Fit Pro'нинг қутисида уч хил ҳажмдаги силикон қулоқчин учлари бўлади. Fit Test функцияси Android ҳамда iOS иловалари билан қулоқчинни боғлашга ҳизмат қилади.
Ҳозирда Beats Fit Pro'га олдиндан буюртма бериш бошланган. Қулоқчинларини харидорларга етказиб бериш 5 ноябрдан бошланади.
ЎҚИНГ: Galaxy S22 ҳамда S22+ смартфонларининг дизайнида кичик ўзгаришлар бўлади
