Beeline Тошкент шаҳридаги 4G тармоғи қопламининг харитасини эълон қилди
Яқинда сайтимизда Beeline мобил оператори томонидан жорий этилган 4G интернет пакетлари ҳақида хабар қолдирган эдик. Куни кеча Ўзбекистондаги энг йирик мобил оператор ўз сайтида Тошкент шаҳридаги 4G тармоғи географиясини эълон қилди. Харитада пойтахтнинг қайси қисмларида 4G тармоғининг ишлашини кўриш мумкин.
Харитадан маълум бўлганидек, Тошкентнинг марказий қисмлари, Мирзо-Улуғбек туманининг катта қисми, Юнусобод, Чилонзор ва Учтепа туманларининг бир қисми, шу билан бирга шаҳарнинг бошқа туманлари LTE тармоқ билан қопланган. Оператор сайтида берилган маълумотга кўра, 4G тармоғининг тезлиги ўртача 37,5 Мбит/сонияни ташкил қилади.
Эслатиб ўтамиз, Beeline 4G тармоғидан фойдаланиш учун LTE SIM-карта ва ушбу тармоқ стандартини қўллаб-қувватлайдиган смартфон зарур бўлади. Шунингдек, операторнинг 4G тармоғида фақат интернетдан фойдаланиш мумкин. Қўнғироқ вақтида телефон 4G стандартидан 2G/3G тармоғига ўтади
