Beeline ходимлари ТАТУда очиқ маърузалар ўқишади
Beeline Тошкент Ахборот технологиялари университети билан биргаликда 2018 йилда бошланган TUIT Mobile лойиҳасини давом эттирмоқда. Компаниянинг техник ва IT бўлинмалари ходимлари ТАТУ талабаларини Beeline‘нинг янги технологик лабораториясида уяли алоқа операторлари ускуналари билан ишлашга ўргатишади. 3G ва 4G тармоқларида махсус ўрнатиладиган таянч станциялар ёрдамида талабалар ТАТУнинг асосий биноси ҳудудида реал вақт тизимида мобил алоқа фаолиятини мустақил равишда таъминлай олишади.
ЎҚИНГ: TUIT Mobile уяли алоқа оператори ишга туширилди
“Ал-Хоразмий номидаги Тошкент ахборот технологиялари университети телекоммуникация соҳаси учун битирувчиларни тайёрлайдиган асосий университет ҳисобланади. Beeline‘нинг техник мутахассисларининг қарийб 30 фоизи ТАТУ битирувчилари эканликалари ҳам эътиборга лойиқ, – дейди Unitel МЧЖ ташқи алоқалар ва коммуникациялар бўйича директори Ораз Абдуразаков. – Касбий йўналиш доирасида биз мобил лабораторияни жиҳозладик ва сентябрдан бошлаб талабалар билан тизимли машғулотлар ташкил этишни режалаштирганмиз. Буларнинг барчаси келгусида АКТ мутахассислари учун амалий машғулотларни ташкил этишга ёрдам беради”.
Ал-Хоразмий номидаги Тошкент ахборот технологиялари университети ректори Тўлқин Тешабоев: «Ўтган йили Ўзбекистон тарихида биринчи марта ТУИТ Мобиле мобил алоқа оператори ва амалий машғулотлар учун лаборатория ишга туширилган эди. Бу ўқув жараёнини сифат жиҳатидан яхшилаш имконини берди, бундан ташқари, бу мамлакатнинг етакчи IT-компаниялари билан ҳамкорликдаги янги босқичга туртки берди. Бугунги кунда ТАТУда талабалар учун Beeline мутахассислари томонидан ўтказиладиган биринчи очиқ амалий машғулот ўтказилади. Келгусида минтақавий филиалларда шунга ўхшаш синфлар орқали ҳамкорликни минтақавий даражада олиб боришни режалаштирганмиз».
Эслатиб ўтамиз, ўтган йилнинг июнь ойида Beeline‘нинг Тошкент ҳудудий филиали мутахассислари ТАТУ талабалари билан биргаликда синовли алоқани амалга оширдилар ва таянч станцияларини ишга туширдилар. TUIT Mobile тўлиқ комплектацияга эга: BaseBand Unit (сигнал ишлаб чиқаришни таъминловчи блок), Remote Radio Unit (ташқарига чиқариладиган радиоблок), антенна-фидерли тракт, трансмиссияли бўлим, қувватни бошқариш бўлими. Бошқача қилиб айтганда, бу тренинг ёки тест ускунаси эмас, балки бутунлай мустақил технологик ўрнатув.
