BenQ компанияси кўзни асрайдиган монитор тайёрлади

BenQ компанияси кўзни асрайдиган монитор тайёрлади

Хитойнинг BenQ компанияси экранга чиқариладиган тасвир ва муҳитнинг ёруғлигига қараб дисплей ёрқинлиги динамик тарзда ўзгарадиган BenQ EW3270ZL мониторини намойиш қилди. Монитордаги спектрнинг кўк ранги фильтрланади ва бу орқали одам кўзига тушадиган оғирлик камайтирилади.

Светодиодли фон чироғи юқори частотада ишлаганлиги боис,  ўта кам ёрқинликда ҳам экраннинг милтиллаши сезилмайди, деб ёзмоқда IXBT нашри.

BenQ EW3270ZL мониторига 32 дюймли 2К аниқлигидаги дисплей ўрнатилган. Констрастлик бирлиги 3000:1, ёрқинлиги эса 300 нитгача. HDMI 1.4 ва DisplayPort 1.2 слотлари кўзда тутилган. DisplayPort 1.2 учун кадр частотаси 60 Герцга тенг. Монитор дисплейи фаол ҳолатда 30000 соат ишлашга мўлжалланган.

Мониторнинг умумий оғирлиги 8,5 кг. Иш режимида энергия истеъмоли 70 Ваттни ташкил қилади. Ҳозирча нархи маълум эмас.

Хабарларни тез ва осон ўқиш учун Андроид иловамизни сақлаб олинг.