Беш модулли инқилобий камерага эга Nokia смартфони илк «жонли» суратда!
HMD Global компанияси Nokia бренди остидаги навбатдаги флагманларидан бирига нақ бешта объективли камера ўрнатиши ҳақида аввал ҳам хабарлар берганмиз. Бу ишланма учун махсус «пента-камера» («бешталик камера»), шунингдек, «револьвер камера» атамаларини қўллашяпти.
ЎҚИНГ: Беш камерали илк смартфон – Nokia X яна бир хусусияти билан дунёда тенгсиз
Мазкур камеранинг қандай ишлашини изоҳловчи бир нечта чизма ва рендер суратлар эълон қилинган. Кеча – 4 сентябрь куни эса ушбу ғайриоддий смартфоннинг биринчи «жонли» расми ҳам интернет кенгликларига чиқди.
Кўриб турганингиздек, гаджетнинг корпусида олтита тирқиш мавжуд, улардан бирига фоточақноқ ўрнатилганлиги аниқ. Қолган бештасининг ҳаммаси ҳам камера объективи бўлмаслиги, улардан биттасида лазерли автофокус ёрдамчиси жойланиши ҳам мумкин.
ЎҚИНГ: Тўққиз камерали смартфон: арзон бўлмаслиги аниқ
Яқинда тарқалган миш-мишларда Nokia флагмани биринчи бўлиб кўп модулли Light камерасига эга бўлиши ва iPhone X’дан қиммат баҳоланиши ҳам айтилганди. Ўшанда эълон қилинган концепт тасвирлардаги датчикларнинг жойлашуви ҳам юқоридаги қурилмадагига жуда ўхшаш
Аммо шуниси ҳам борки, афсонавий смартфонсоз ушбу моделида Light эмас, балки Carl Zeiss компанияси ишланмаси бўлган камера қўллаши кўпроқ таъкидланган. Ҳатто ушбу компания ўзининг Twitter-саҳифасида антиқа камеранинг ишлаш принципини кўрсатувчи видеолавҳа ҳам эълон қилган. Унда шу турдаги камерани жорий йилнинг ўзида Nokia қурилмаларидан бирида кўришимиз мумкинлиги таъкидланган.
ЎҚИНГ: Nokia 10’нинг бешталик камераси қандай ишлашини Carl Zeiss видеода кўрсатиб берди
