Биласизми, самода қанча фазовий аппаратлар бор?
Мутахассисларнинг маълумотларига кўра, айни вақтда Ер атрофидаги фазо ҳудудида 1 мингтага яқин хорижий фазовий аппаратлар фаолият юритиб келмоқда. Улар 30 та давлат ва халқаро ташкилотларга тегишли бўлиб, ҳарбий ва бошқа турли вазифаларни бажариш, хусусан, Ерни масофадан кузатиб туриш ва коинотдан ер усти, денгиз, ҳаво ҳамда фазовий объектларни разведка қилиш, баллистик ракеталар стартини аниқлаш, алоқа ва маълумотларни узатиш, фазовий навигация, метеоразведка, топогеодезия учун мўлжалланган.
