Билл Гейтс айнан қандай смартфондан фойдаланишини маълум қилди
Reddit ижтимоий тармоғининг АМА (Ask me anything - Хоҳлаган нарсангизни сўранг) сессиясида дунёнинг энг бой одамларидан бири, Билл Гейтс ўзининг кундалик телефони сифатида Galaxy Z Fold 3 букламафонидан фойдаланишини айтди. Миллиардернинг Android смартфонидан фойдаланиши янгилик эмас, чунки у бир неча йил аввал iPhone'ни "ташлаганини" маълум қилган эди, бироқ, бу сафар у айнан қайси моделдаги смартфондан фойдаланиши ҳақида биринчи марта очиқ гапирди.
Гейтснинг айтишича, бундай катта экранли Galaxy Z Fold 3 билан у букламафондан кўчма компютер сифатида ҳам телефон сифатида ҳам фойдалана олади ва "бошқа ҳеч гап йўқ". Шунингдек, у бошқа қурилмаларни ҳам синаб кўришини айтган, лекин Galaxy Z Fold 3 ҳозирча у учун севимли смартфон.
Қизиғи шундаки, Билл Гейтс ўзи асос солган Microsoft компанияси томонидан ишлаб чиқарадиган ва Galaxy Z Fold каби бўлмасада, ҳар ҳолда буклана оладиган Surface Duo каби Android қурилмадан фойдаланмайди.
ЎҚИНГ: 2022 йил биринчи чорагида энг кўп сотилган смартфон қайси эканлиги маълум бўлди
