Билл Гейтс ўзининг Microsoft раҳбари сифатидаги энг катта хатосини тан олди
Дунёдаги энг бой кишилардан бири бўлмиш Билл Гейтс ўз ҳаётидаги энг йирик хатосини айтди. Microsoft ҳаммуассисининг мазкур хатоси айнан ушбу корпорациядаги фаолияти билан боғлиқ экан.
ЎҚИНГ: Дунёнинг иккинчи рақамли бой одами тавсия қилган 5 та китоб!
Гейтс бу ҳақда Village Global венчур фондининг тадбирида айтиб ўтган. Унинг ишонч ва афсус билан таъкидлашича, Apple’ники бўлмаган смартфонлар учун асосий операцион тизимнинг муаллифи айнан Microsoft бўлиши керак эди. Лекин «улоқ қўлдан кетган» – Google компаниясининг Android тизимини бозордан сиқиб чиқариш энди ҳеч кимнинг қўлидан келмайди.
Қизиқувчилар бўлса, Microsoft ҳаммуассисининг ушбу маросимдаги чиқишини (инглиз тилида) томоша қилишлари мумкин:
ЎҚИНГ: Android "қотили"? - Россияда смартфонларга Astra Linux дастурий тизими ўрнатилади!
Айтиш керакки, Гейтснинг компанияси 2000 йилданоқ ўз мобил операцион тизими устида ишлай бошлаган. 2010 йилга келиб, Microsoft уни Windows Phone номи билан тақдим этган. Мазкур тизим смартфонлар орасида оммабоплиги бўйича учинчи ўринни банд этган, кейинчалик Windows Mobile’га ўзгарган. Бироқ кенг оммалашмаганлиги сабабли, 2018 йилнинг январида Microsoft мазкур лойиҳасини ҳам тўхтатган.
Эслатиб ўтамиз, смартфонлар учун Huawei тайёрлаётган HongMeng операцион тизими кейинги йилдан оммалашуви кутилмоқда. Хитойдан ташқарига чиқувчи смартфонларда эса у Oak OS ёки Ark OS номи билан тақдим этилиши мумкин. Аммо унинг ҳам барибир Google’нинг мобил операцион тизимидан ўзиб кетиб, етакчиликка чиқиши қийин.
Android операцион тизимли аксарият Huawei смартфонларини бўлса 1 059 000 сўмдан бошланувчи нархларда Terashop.uz интернет-дўконимиздан сотиб олиш имкони мавжуд.
