Бир нечта Galaxy смартфонлари One UI 4.1 график қобиғига ўтмоқда
Бир неча кун олдин Samsung ўзининг Galaxy S20 FE 5G моделига One UI 4.1 прошивкасини жўнтатган эди. Энди навбат ушбу қурилманинг 4G версиясига ҳам етиб келди.
Ҳозирда турли худудлардаги Snapdragon ва Exynos чипда ишловчи Galaxy S20 FE 4G смартфонлари One UI 4.1 график қобиғига ўтмоқда.
Прошивкани қабул қилаётган ёлғиз Galaxy S20 FE эмас, Galaxy A71 ҳам Android 12 операцион тизимига асосланган One UI 4.1 янгиланишига эга бўлмоқда. Бу смартфон учун биринчи Android 12 операцион тизими бўлиб, у март ойи хавфсизлик патчини ҳам ўз ичига олади. Ҳозирда БАА ва Кореядаги A71 фойдалнувчиларига янги прошивка тарқатилмоқда.
Шунингдек, Galaxy A52s 5G ҳам Корея ва Европа давлатларида One UI 4.1 прошивкасига ўтишни бошлади. Аввалроқ ушбу модель One UI 4 қобиғига ўтган эди. Янги One UI 4.1 эса эски тизимдаги бир неча муаммоларга барҳам беради ҳамда смартфонни март ойи хавфсизлик патчи билан таъминлайди.
