Бир хилликдан зерикдингизми?
Фон расми смартфонларимизнинг асосий экран қисмига ўзига хос кўриниш беради. Бунинг устига, фон ҳар доим кўриниб туради, шунинг учун, кўплаб фойдаланувчилар унинг танловига жуда синчковлик билан ёндашишади.
Гарчи сиз ўзингизни бундай тоифада ҳисобламасангиз ҳам, экранингиз кўринишини бироз ўзгартириш зарар қилмайди. Қуйида севимли смартфонингиз учун экран тасвирларини танлашга ёрдам берадиган иловалар ҳақида маълумот берамиз.
Walli
Рўйхатимиздаги биринчи дастурни ҳозирги пайтда энг яхши расм тўпламларидан бири дейиш мумкин. Илова яратувчилари ўз нуқтаи назарига кўра рассомлар ва дизайнерларнинг энг яхши ишларини танлаган ва уларни Android гаджетлари билан ишлашга мослаштирган. Илова интерфейси жуда содда ва тушунарли, расмларнинг категориялар бўйича тоифаларга ажратилганлиги эса керакли фонни топишда қулайлик яратади.
Юклаш: Walli
Wallpapers by Google 
Бу Google'нинг ўзидан фон расмларини ўзгартириш имконини берувчи учун дастур. У Google Earth ва бошқа кўплаб манбалардан олинган кенг қамровли расмларга эга. Асосий ва қулф экранига алоҳида расмларни тўғридан тўғри илова орқали ўрнатиш мумкин. Фон расмлари ландшафт, шаҳар манзаралари, абстракт, геометрик шакллар ва бошқа категорияларга ажратилган. Бундан ташқари, “кунлик янги обой“ функцияси мавжуд бўлиб, фаоллаштирилганда турли категориялар бўйича обойларни ҳар куни ўзгартириб туради.
Юклаш: Wallpapers by Google
Resplash
Resplash машҳур unsplash.com тасвир излаш хизмати асосида ишлайди. Бу иловада 800 мингдан ортиқ HD фон расмлари мавжуд. Мукаммал фойдаланувчи интерфейси бу илованинг ўзига хос жиҳатларидан биридир. Бундан ташқари, иловада AMOLED дисплейлар учун қора фон ҳам мавжуд.
Юклаш: Resplash
Muzei Live Wallpaper 
Muzei Live Wallpaper - жонли фон расмларини тақдим этади. Жонли ва ҳаракатсиз фон расмларининг кенг тўпламига қўшимча равишда, Muzei Live Wallpaper'нинг очиқ кодли илова эканлиги баъзи фойдаланувчилар учун муҳим бўлиши мумкин. Шунингдек, илова Android Wear'ларда ҳам қўллаб-қувватланади.
Юклаш: Muzei Live Wallpaper
Tapet
Tapet - бу фон расмларини юклаш ва ўрнатиш борасида ўзига хос илова. У фон расмларини Интернетдан юклаб олмайди, алгоритмлардан фойдаланган ҳолда уларни тўғридан тўғри қурилмангизда яратади. Сиз шунингдек иловани янги фон расмлари маълум даврийликда пайдо бўладиган қилиб созлашингиз мумкин.
Юклаш: Tapet
Backgrounds HD
Backgrounds HD - бу 100 миллиондан ортиқ фонга эга энг яхши бепул Android иловаларидан бири. У 30 дан ортиқ турли категорияларга эга кенг фон расмларини ўз ичига олади. Фон расмини ўрнатишдан олдин расмни қирқишингиз, баъзи фильтрларни ўрнатишингиз, тасвирни айлантириш ва бошқа функциялардан фойдаланишингиз мумкин.
Юклаш: Backgrounds HD
Backdrops
Backdrops - бу юқоридаги иловалардаги функциялар ва уларга қўшимча тарзда ўзига хос хусусиятга эга бўлган ажойиб илова. Backdrops билан турли хил қурилмаларни синхронлаш, яъни бир хил фон расмини барча гаджетларингизга ўрнатиш мумкин.
Юклаш: Backdrops
Abstruct
Abstruct олдин OnePlus интерфейси дизайнини ишлаб чиқишда қатнашган мутахассис томонидан яратилган. Android иловасида 4K резолюцияли 300 дан ортиқ расмлар мавжуд. Бу унчалик кўп эмасдек туюлиши мумкин, аммо чизмаларни ташкил этадиган мавҳум шакллар ва тасвирларнинг сизнинг дидингизга мос келиши эҳтимоли юқори. Фақат, баъзи фон расмлари қулфланган ва уларни очиш учун пул тўлашингизга тўғри келади.
Юклаш: Abstruct
Ҳусан Қодиров тайёрлади.
ЎҚИНГ: Янгисидан бор!
