Бировнинг устидан кулмагин зинхор... Ёхуд, аудиотирқиш машмашаси
Янги Samsung Galaxy Note10 бир қанча янги функцияларга эга бўлганлиги ҳақида айтиб ўтгандик. Шу билан бирга, смартфонда бир қанча йўқотишлар ҳам юз берган. Улардан бири сифатида, унда 3,5 ммлик аудиотирқишнинг мавжуд эмаслигини айтиб ўтиш мумкин.
The Verge журналистлари компания ходими билан суҳбатда нима сабабдан янги қурилмаларда аудиотирқишдан воз кечилгани ҳақида савол бериб ўтишган. Компания ходимининг айтишича, бунинг бир қанча сабаблари мавжуд. Биринчидан, тежалган жой туфайли аккумуляторни 100 мА/соатга (тахминан 2-3 %) кучайтириш имконияти яратилган. Иккинчидан, корпус ичида бўш жой бўлмаганлиги туфайли, вибрация сифати яхшиланган.
Аввалроқ Samsung iPhone’ларда қулоқчинлар учун 3,5 миллиметрлик аудиотирқиш йўқлиги ҳажв остига олганди. Корпорация мижози келиб, ўз қулоқчинини смартфонга қандай улаш кераклигини маслаҳатчидан сўрайди. Компания ходими бунга: «Переходник (инглизчада – dongle) улаш керак», дея жавоб беради. Шунда мижозда бошқа савол пайдо бўлади: «Қандай қилиб бир вақтнинг ўзида ҳам мусиқа тинглаб, ҳам смартфонни қувватлашим мумкин?» Жавоб оддий: «Бошқа переходник керак».
Айтиш лозимки, Galaxy Note10 ва Galaxy Note10+ комплекти таркибида ушбу переходник ҳам кўзда тутилган.
ЎҚИНГ: Ҳали тақдим қилинмаган Samsung Galaxy A71'ни қутисидан очиб, ишлатиб кўришди!
