Биткоин «ҳужумга ўтди»: ундан яна нималарни кутиш мумкин?
Ўз мавқеини ва ишончини йўқотиб қўйган криптовалюта биткоин курси яна барқарорлаша бошлади. Энди унинг нархи дақиқа сайин юқорилаб кетаётир – ҳозирда битта танга 10000 доллардан ошиб кетган!
ЎҚИНГ: Bitcoin ўзига келмоқда! Рекорд янгиланадими?!
Айтиш керакки, кейинги бир ой мобайнида биткоин 22 фоиздан ошиққа қимматлашди. Йилнинг бошидаки кўрсаткич билан солиштирганда эса, фарқи нақ 142 фоизга етган! Шундай бўлса-да, бу нарх ҳали 2017 йилги рекорд – 19 минг долларлик кўрсаткичдан анча паст.
Россиянинг «Эксперт плюс» МЧЖ таҳлилчиси Кирилл Стариков фикрича, ҳозир биткоин нархи кўтарилиб бораётганининг сабаби – муқобил ҳимоя жиҳозларига талаб мавжуд. Ушбу криптовалюта курсининг ошиб боришини у қисқа муддатли бўлади, кейин яна биткоин нархи 5000–6000 долларга тушади, демоқда. Лекин унгача яна рекорд даражага – 12 минг долларлик кўрсаткичга чиқиши ҳам мумкин, дейди мутахассис.
ЎҚИНГ: Дуров Telegram'нинг блокланишига сабаб бўлган лойиҳа қачон ишга туширилишини маълум қилди
ERARIUM Group компанияси трейдер-таҳлилчиси Григорий Мелкумян эса яқин орада биткоин нархи 10000 долларга етиши мумкин, аммо 2017 йилдаги рекорд янгиланмайди.
Халқаро молия маркази эксперти Гайдар Гасанов ҳам мазкур криптовалюта нархи ўн минг долларгача бориши мумкинлигини таъкидлаган. Унинг сўзларига кўра, келажакда глобал иқтисодий жараёнларга криптовалюталар кенгроқ жорий этилиши ҳақида кейинги пайтларда гап-сўзлар кўпайган. Бозор иштирокчилари кўпроқ шу ахборотлар сабабли биткоин сотиб олишга тушишган ва натижада унинг нархи ошиб бораётир.
Хуллас, аксарият мутахассислар биткоин нархининг кескин кўтарилиб, кейин яна пасайишини прогноз қилишмоқда, аммо бу жараёнларнинг муддатлари маълум эмас.
ЎҚИНГ: Samsung ўзининг шахсий криптовалютаси - Samsung Coin’ни тайёрлаяпти!
