Биткоин ишончни йўқотмоқда
Google Trends таҳлилига кўра, йил бошидан буён «bitcoin» сўзи бўйича сўровлар миқдори 75 фоизга, сўнгги уч ой давомида қарийб, икки баробарга тушиб кетган. Сўровлар кўрсаткичи рақамли жадвал кўринишида тузилди ва унда “100” рақами криптовалюта бўйича сўров учун энг юқори чўққи этиб белгиланди. Жадвалга кўра, жорий йилнинг биринчи январь ҳолатида биткоиннинг машҳурлиги 37 пунктни ташкил этган бўлса, июнга келиб у 9 пунктгача тушиб келган.
ЎҚИНГ: Стив Возняк ўз биткоинларини сотган эмас, ўғирлатган экан!
Экспертлар буни криптовалюта нархи учун ёмон аломат, деб баҳолашмоқда, Шу вақтгача, биткоинга бўлган қизиқиш юқорилиги ва унинг атрофида бўлаётган хайплар эвазига унинг қиймати ортиб борганди. Энди аввалги мовқеини қайта тиклаб олиш учун, биткоинга кечиктирмай қандайдир кучли юришни амалга ошириш талаб этилади, дейди мутахассислар. Бироқ, унинг номарказлашув жараёнини бошдан ўтказганини ҳисобга оладиган бўлсак, аввалги ҳолатига келиши имконсиз.
Биткоинга бўлган қизиқишнинг тушиб кетиши бошқа ҳамёнларга бўлган қизиқишнинг ўсиш динамикасига ҳам салбий таъсир кўрсатмоқда. 2017 йилнинг сўнгги чораклигида биткоиннинг нархи 20000 долларга яқинлашган эди, унинг ўсиши ойига 7,6 фоизни ташкил этган. 2018 йилнинг апрелига келиб эса, ушбу кўрсаткич атиги 2 фоизга етган. Май ойида ҳам шу аҳвол такрорланди. Хуллас жорий йилнинг биринчи чорагида ушбу кўрсаткич ўртача 3,7 фоизни ташкил этган.
ЎҚИНГ: Telegram ўз криптовалютасини қачон чиқаради?
Адолат нуқтаи-назаридан келиб чиқиб, ёндошадиган бўлсак, жорий йилда бошқа криптовалюталарга бўлган сўровлар миқдори ҳам кескин тушиб кетганини кўриш мумкин. Масалан, Ethereum 70 фоизга, Bitcoin Cash — 82 фоизга ва XRP — 87 фоизга пастлаган. Аммо EOS криптовалютасига бўлган талаб 2018 йилда 97 фоизга юқорилаган. Бундан шундай хулоса қилиш мумкинки, яқин орада энг машҳур токенларнинг бешлиги катта ўзгаришларни бошдан кечириши мумкин, дейди Google Trends таҳлилчилари.
