Биткоин нархи тарихий максимал даражани янгилади

  •   DiMaX
  •  763
  •  08.01.2021 13:55

Биткоин нархи тарихий максимал даражани янгилади

CoinDesk порталининг маълумотларига кўра, кеча – 7 январь кунги савдо сессиясида биткоин 8,5 фоизга ўсган ва 40 минг долларга етган. Шундай қилиб, биткоин криптовалютасининг нархи тарихий максимал даражани янгилади. Сўнгги кунларда ушбу рақамли валюта бир неча бор янги нарх рекордларини ўрнатмоқда.

ЎҚИНГ: Илон Маск бир йилда $100 млрд.га бойиб, дунёнинг энг бадавлат кишисига айланди!

Қайд этилишича, биткоин бутун дунё криптовалюта бозорининг тахминан 68,5 фоизини ташкил қилади.

Эслатиб ўтамиз, биткоин 2020 йил декабрь ойининг иккинчи ярмидан қимматлашни бошлади. 16 декабрда биткоин 20 минг долларлик кўрсаткичдан ўтиб, рекорд қайд этганди. Шундан бери у ўсишда давом этяпти.

Биткоин – бу блокчейн технологиясига асосланган, шу тизимда иштирок этувчи ҳар қандай фойдаланувчи томонидан «қазиб олиниши» (чиқарилиши) мумкин бўлган криптовалюта. Бунинг учун тизимнинг янги блокларини яратиш керак бўлади. Тизимнинг концепцияси 2008 йил ноябрь ойида ўзини Сатоши Накамото деб таништирган муаллиф (балки, муаллифлар жамоаси) томонидан чоп этилган.

Лекин биткоин машҳурлигининг энг юқори даражаси сўнгги йилларда қайд этилган. Ҳозирги пайтга келиб кўпгина биткоинлар аллақачон «қазиб олинган» ҳисобланади.

ЎҚИНГ: PayPal орқали энди криптовалюта олиш ва сотиш ҳам мумкин

Сайтимизнинг энг чиройли расмларини Инстаграмдаги саҳифамизда томоша қилинг!