Битта машина пулига ҳашаматли ақлли соат
Смартфон ва аксессуарларнинг ҳашаматли материаллардан тайёрланган вариантларини чиқарадиган таниқли Caviar бренди бу сафар Apple'нинг Watch 7 сериясидаги смартсоатларининг эксклюзив версияларини чиқарди.
Moon(Ой) номли қаторда чиқарилган ақлли соатлар олтин ва қора, оқ, қизил бронза қимматли металларидан тайёрланган тўрт хил моделни ўз ичига олган бўлиб, уларнинг асосий дизайни Swiss соатларининг Patek Philippe Sky Moon Tourbillon ва Vacheron Constantin Metiers d'Art соатларига асосланган бўлса, нақшлари XIX асрнинг таниқли ўймакори бўлган Густав Ёунг ишларидан илҳомланиб яратилган. Уларнинг орасида Gold Moon модели энг қиммати бўлиб, Apple Watch 7'нинг 18k олтин билан қопланган соат рамкаси ҳақиқий жигарранг тимсоҳ терисидан тайёрланган камарга бириктирилган ва у фақат 8 та нусхада чиқарилади. Нархи эса бугунги кундаги битта Chevrolet Equinox нархидан ($26,300) қиммат: $27 210.
Қолган моделлар ҳам бир хил дизайнда, лекин бошқа материаллар: оқ, қора ва оддий бронза металидан қилинган бўлиб, уларнинг камарлари ҳақиқий тимсоҳ терисидан қилинган ва улар 99 нусхада чиқарилади. Нархлари эса қора бронзали Dark Moon Apple Watch 7 учун $3 730, Blood Moon Apple Watch 7 учун $3 640, Night Moon Apple Watch 7 учун эса $3 540 қилиб белгиланган.
