Blackberry‘нинг клавиатурали Android-смартфонига тегишли cуратлар пайдо бўлди

Blackberry‘нинг клавиатурали Android-смартфонига тегишли cуратлар пайдо бўлди

Blackberry компанияси сўнгги пайтларда бир мунча кучли техник параметрларга эга Android-смартфонлар ишлаб чиқариб келмоқда. Жумладан, компания бундан бир ойча аввал яхши кўрсаткичларга Blackberry DTEK60 моделини тақдим қилган эди. Шундан кейин бир оз муддат ўтгач, компаниянинг навбатдаги смартфони 2017 йилда чиқадиган Blackberry DTEK70 смартфонига механик QWERTY клавиатурага эга бўлиши ҳақидаги хабар пайдо бўлган эди.

Куни кеча Mobil Telefon нашрида мазкур смартфоннинг рендер-суратлари эълон қилинди. Шунингдек, нашрда ушбу смартфоннинг баъзи техник параметрлари ҳам ошкор этилган. DTEK70 бармоқ изи сканери, 4,5 дюймли экран (1620х1080 пиксель), Snapdragon 625 процессори, 3 ГБ оператив ва 32 ГБ доимий хотира билан жиҳозланади. Асосий камерасининг аниқлиги 13 МП. Модель Android 7.0 Nougat дастурида ишлаши маълум қилинган.

Ҳозирча смартфоннинг тақдимот санаси ва нархи ҳақида ҳеч қандай маълумот йўқ.

Хабарларни тез ва осон ўқиш учун Андроид иловамизни сақлаб олинг.