Боинг НАСА учун ракета ишлаб чиқариш лойиҳасини барбод қилди
2017 йил июн ойида ишга туширилиши кўзда тутилган Space Launch System ракетаси энди қачон чиқарилиши номаълум блиб қолмоқда. Қолаверса, аввалги режалаштирилган ҳаражат ҳам яна икки миллиард долларга қимматлашадиган бўлди.
НАСА Бош инспекторининг ҳисоботида ёзилишича, Space Launch System ракета-ташувчи 2020 йилда тайёр бўлмайди, парвоз ҳам камида бир йилга кечиктирилади. Бундай бўлишда асосий айбдор буюртмани олган «Боинг» компанияси, деб очиқчасига айтилмоқда. Ҳисоботда қайд этилишича, корпорация вакиллари ишнинг бориши ҳақида, юзага келган ҳақиқий аҳвол ҳақида ўз вақтида ахборот бериб бормаган, шунингдек ишнинг биринчи босқичини охирига етказиш учун зарур бўлган ишчиларнинг ҳам сонини айтмаган.
ЎҚИНГ:НАСА учун ғаройиб двигатель намойиш қилинди.
НАСА’нинг таъкидлашича, компания ишнинг ярмини ҳам вақтида уддалагани йўқ, қолаверса ишлаб чиқариш самарадорлиги жуда паст. Имкониятлар қўлдан бой берилган. «Боинг» лойиҳани амалга оширишда дастлабки эълон қилинган бюджет доирасидан чиқиб кетган. Жорий баҳолашда, биринчи босқични охиригача етказиш ва парвозга тайёрлаш учун 8,9 миллиард доллар керак. Бу, лойиҳа харажати бошда айтилган рақамдан икки баробарга кўп. Шу билан бирга, бу ерда ҳали бошқа подрядчиларга сарф қилинган харажатлар ҳисобга олинмаган.
Space Launch System лойиҳаси НАСА учун охирига етказилмаган бош оғриғи бўлиб қолмоқда. Ракетанинг биринчи парвози 2017 йил июн ойида амалга оширилиши керак эди, кейин 2020 йилга қолдирилди, энди эса умуман, номаълум муддатга кечиктирилмоқда. Лойиҳанинг ҳаражатлари учун НАСА сарфлаган маблағ 2010 йилдан то шу давргача 12 миллиардга етди.
ЎҚИНГ:Ерга таҳдид солаётган метеоритлар қанча? НАСА аниқлик киритади.
