Божхонада ҳақиқий тилла смартфон ушлаб қолинди!
Хабаровск божхоначилари Харбин шаҳрига учадиган самолёт йўловчиларини кўрикдан ўтказаётиб, ғалати ҳолатга гувоҳ бўлишди. Ватанига қайтаётган хитойликлардан бирининг Lenovo смартфонида салкам 200 грамм олтин бор экан!
ЎҚИНГ: Дронларни тўхтатиб қолган божхоначилар ҳайратга тушишди
Божхона текширувидан ўтаётган хитойлик эркак қўлидаги Lenovo смартфони ишламаётганлигини айтган. Махсус назорат қурилмаси эса бу телефоннинг ичида тушунарсиз материал борлигини кўрсатган. Ходимлар смартфоннинг ичини очиб, сариқ тусли ялтироқ металл парчаларига тўла эканлигини кўришган. Экспертиза уларнинг гумонини тасдиқлаган – булар табиий ҳолдаги, қайта ишланмаган олтин эди!
Табиийки, олтин парчалари давлат фойдасига мусодара қилинган. Қонунчиликка мувофиқ, қимматбаҳо металлни олиб чиқишга уринганлиги учун хитойликка контрабанда ҳажмининг уч баробари миқдорида жарима ҳам солинган.
Айтиш керакки, табиий ҳолдаги тилла, таркибида бошқа аралашмалар ҳам мавжудлиги ва қайта ишлаш зарурати туфайли, тайёр олтиндан анча арзон юради. Божхоначилар «тилла смартфон»ни 500 минг рублга баҳолашган.
ЎҚИНГ: Пойтахт аэропортида 153 млн сўмлик iPhone’лар ушлаб қолинди
