Бўлажак бестселлер – Redmi Note 9 Pro ҳам намойиш этилди, «жонли» видеода уни очиб ишлатиб кўрамиз!
Xiaomi корпорацияси ўзининг Redmi Note 9 Pro Max смартфонини тақдим этгани ҳақида боягина ёзган эдик. Компания унинг янада арзон версияси – Redmi Note 9 Pro моделини ҳам намойиш қилди.
ЎҚИНГ: Энг кучли флагманлар ва ўрта нархли энг зўр смартфонлар (AnTuTu глобал рейтинги, 2020 йил февраль)
Бу хабаримизда энди Redmi Note 9 Pro смартфонининг Max-версиясидан фарқларига тўхталиб ўтамиз. Бу икки моделнинг корпус ўлчамлари бир хил, ўзаро фарқлари кўп бўлмаса-да, барибир аҳамиятли.
Redmi Note 9 Pro Max олд камераси 32 мегапикселлик бўлса, Redmi Note 9 Pro моделида селфи учун 16 мегапикселлик камера ажратилган. Шунингдек, бош камеранинг асосий модули Max-версияда 64 мегапикселлик, унинг «ини»сида эса 48 мегапикселлик аниқликда.
ЎҚИНГ: Redmi буни уддалади: экраности дактилоскопга эга LCD-дисплейли илк смартфонни қарши олинг! (+видео)
Бундан ташқари, Redmi Note 9 Pro моделининг тезкор хотираси 8 гигабайтлик версияси йўқ – ҳар ҳолда, тақдимот вақтида вазият шунақа. Ва ниҳоят, бу қурилма Max-версияси каби 33 ваттлик эмас, балки 18 ваттлик технология бўйича тезкор қувватлана олади.
Redmi Note 9 Pro бошқа жиҳатларига кўра Redmi Note 9 Pro Max билан бир хил: Qualcomm Snapdragon 720 процессори, 6,67 дюймлик экран, корпуснинг иккала томонида Corning Gorilla Glass 5 ҳимоя шишаси ва 5020 мА/соатлик аккумулятор. Ҳар иккала смартфон MIUI 11 прошивкасига эга ва корпуси сув сачрашидан муҳофазаланган.
Айрим влогерлар аллақачон Redmi Note 9 Pro’нинг илк видеотавсифларини эълон қилишган, шулардан бирини қуйида томоша қиламиз:
Нархларига келсак, Redmi Note 9 Pro тезкор/ички хотирасига кўра қуйидаги конфигурация ва баҳолар билан чиқарилмоқда:
4/64 ГБ – 175 доллар;
6/128 ГБ – 215 доллар.
Ҳар иккала смартфон Ҳиндистонда сотилиши маълум, қолган мамлакатлар бозорларига чиқиши ҳақида маълумот бўлиши билан хабар берамиз.
ЎҚИНГ: Нақ ўн хил Xiaomi смартфонини 123 долларгача чегирма билан олинг!