Бошланди: Galaxy S23 ҳақидаги илк маълумотлар тарқатилди

Бошланди: Galaxy S23 ҳақидаги илк маълумотлар тарқатилди

Samsung компанияси ўтган ойда ўзининг Galaxy S22 сериясидаги смартфонларини тақдим қилган эди. Кўпчилик фойдаланувчилар янги авлод флагманларини "олсаммикин-олмасаммикин" деб ўйлаб юрган бир вақтда, инсайдерлар Galaxy S23 ҳақидаги илк маълумотларни тарқатишди.

Албатта, смартфон ишлаб чиқарувчи компаниялар янги телефон тақдим қилганларидан сўнг, ундан кейингисининг устида ишлашни бошлаб юборадилар ва кўпинча бундай янги лойиҳалар сирли код номлари остида олиб борилади. Таниқли инсайдер, DSCC (Display Supply Chain Consultants) бош директори Росс Ёунг ўз Twitter саҳифасида хабар беришича, Жанубий Корея компанияси "Project Diamon" код номли лойиҳа устида ишламоқда ва аввалроқ ушбу ном остида Samsung учинчи хил йиғиладиган смартфон бўлиши ҳақида миш-мишлар тарқалган эди. Лекин Росснинг айтишича, бу йиғилувчи флагман учун эмас, балки Galaxy S23 учун ички код номи ҳисобланади.

Одатда бундай ички код номлар янги смартфонларнинг хусусиятларига ишора қилади ва "diamond" - "олмос" дунёдаги энг қаттиқ элементлардан бири эканлигини ҳисобга олсак, Samsung кейинги йилги юқори даражадаги смартфонларининг мустаҳкамлиги ва чидамлилиги устида ишлаётган бўлиши мумкин.

Агар Project Diamond ҳақиқатдан ҳам Galaxy S23 бўлса, биз шу йилнинг куз фаслида Samsung'дан бошқа хилдаги йиғиладиган смартфон кўрмаслигимиз мумкин, чунки аввалги миш-мишлар бу йиғиладиган смартфон эканлигини тасдиқлаётган эди. Лекин компания ўзининг янгича қатланадиган смартфонини бошқа код номи остида ҳам яратаётган бўлиши ҳам мумкин.

ЎҚИНГ: Samsung янги букланувчи смартфон ишлаб чиқариши мумкин

Сайтимизнинг энг чиройли расмларини Инстаграмдаги саҳифамизда томоша қилинг!