Бошланишига 45 миллионта буюртма

Apple келаётган сентябрь ойида бир йўла учта янги смартфон тақдим этишни мўлжалламоқда. Кореянинг The Bell нашри маълум қилишича, компания  қурилмаларни сотувга чиқариш арафасидаёқ,  бир йўла 45 миллионта буюртма йиғишни режалаштирган, у ҳам бўлса, фақат  энг қиммат 6,5 дюймли OLED-экранига эга смартфонлар учун.

Apple компанияси диагонали 5,44 дюйм бўлган OLED-экранли кичик флагман модели учун 25 миллонта буюртмани кўзлаб турибди. Янги линейкадаги  6,1 дюм бўлган  LCD-экранли энг арзон модели учун эса,  буюртмалар сони 30 миллион донага етишидан умид қилмоқда.

ЎҚИНГ: Ромсиз iPhone SE 2: ушалмас орзуга айланди

Дастлабки маълумотларга қараганда, 6,5 дюмли флагман iPhone сотуви старт олган   илк кунларда iPhone X’дан қиммат бўлади.  Ушбу  модель компанияга топ моделлар ассортиментини кўпайтиришга ёрдам бериши керак. Бироқ, буларнинг барчаси энг қиммат смартфоннинг харидоргир бўлишига ҳалақит бермаслиги лозим.

Корея нашри манбаларида қўшимча қилинишича, компания яна ихчам корпусга эга  қўшимча модель ҳақида ҳам бош қотирмоқда. Чамаси, гап энг оммабоп iPhone SE моделини давом эттириш ҳақида бормоқда. Бироқ,  Apple жорий йилда бундай смартфон чиқармоқчи эмас.

ЎҚИНГ: Ўзи 100 доллар, лекин 1000 долларлик флагманларни ортда қолдирмоқчи