Бозордаги энг тезкор ва кучли смартфонлар

Бозордаги энг тезкор ва кучли смартфонлар

Таниқли «TheUnlockr» техно-портали эксперти Дэвид Коген 2017 йилда ишлаб чиқарилган ва айни пайтда бозорда сотилаётган энг самарали платформага эга мобил алоқа воситаларини аниқлади. Унга кўра, iPhone X, Huawei Mate 10 Pro, Galaxy Note 8, OnePlus 5T, Essential Phone ва Pixel 2 XL каби флагманлар илғор деб топилган ва ўзаро таққосланган.

Тажриба жараёнида смартфонларнинг фойдаланиш жараёнидаги тезкор ишлаши ўрганилган. Унга кўра барча флагманлар энг сўнгги операцион тизимга янгиланган, хотиралари тозаланиб, барчасига синов учун танланган иловалар юкланган.

Имтиҳонда охирги ўрин Huawei Mate 10 Pro'га насиб қилган ва мазкур смартфон 31 балл тўплаган. Huawei асосан самарадорлик эмас, смартфондан узоғроқ фойдаланиш имконини берадиган технологияларга диққат қаратади. Керагидан ортиқ ва фойдаланувчига сезилмайдиган тезкорликдан кўра, шундай ёндашув ҳам мақсадга мувофиқ.

Рейтингда иккинчи ўринни Essential Phone ва iPhone X флагманлари эгаллаган ва уларнинг ҳар иккаласи 27 балл тўплаган. Бу ўринда iPhone X процессорининг ўта самарадорлигини ҳисобга олиш керак, бироқ тезкор хотиранинг кичиклиги баъзида панд беради.

22 балл тўплаган Google Pixel 2 XL «тоза» Android тизимида фаолият кўрсатади.

Кейинги ўринларда 21 балл билан Samsung Galaxy Note 8 ва OnePlus 5T смартфонлари турибди. Huawei Mate 10 Pro билан таққослаб кўрганда, Samsung флагмани 33% га самарали. OnePlus 5T эса 18 балл тўплаган. Эслатиб ўтамиз, бу смартфон 2017 йилда энг тезкор флагман деб топилган эди. Бу гал эса омади келмаган кўринади.

 

Сайт янгиликларидан доимий хабардор бўлиш учун Телеграм каналимизга қўшилинг!