Бу сафарги iPhone SE унчалик "емади"

Бу сафарги iPhone SE унчалик

Хабарларга кўра, Apple ўзининг iPhone SE 3 смартфонларини кейинги чоракда режалаштирилганидан 20 фоиз камроқ, шунингдек, AirPods симсиз қулоқчинларини 2022 йил учун 10 миллионта кам ишлаб чиқаради. Бунга Украина ва Россия ўртасида бўлаётган воқеалар ва инфлация асосий сабаб бўлаётган бўлиши мумкинлиги айтилмоқда. 

Шунингдек, Apple таҳлилчиси Минг-Чи Куо берган маълумотларга қараганда, гарчи ҳозирда Хитойнинг Шангҳаи шаҳри Covid касаллигининг кўпайиши сабаб қатъий изоляцияга тушганлиги iPhone SE ишлаб чиқарилишига таъсир қилмасада, уни етказиб берилиши узоқ вақтга чўзилиши ва уларни дўконлардан олиб кетиш имконсиз бўлиши мумкин.

Шу ҳам таъкидлаш керакки, янги авлод iPhone SE смартфони ўзгартирилмаган дизайнда чиқарилганлиги смартфон мухлислари ҳафсаласини пир қилган бўлиши мумкин. Унинг фақат ички янгиланишлар билан чиқарилганлиги ва олдингисидан $30 қимматроқ эканлиги фойдаланувчиларни сотиб олишдан тўхтатаётган бўлиши ҳам мумкин. 

 

ЎҚИНГ: WWДC 2022 тадбири қачон ўтказилиши маълум бўлди