Бу шунчаки тирқиш эмас, у билан ўйин ўйнаш мумкин!
Apple яқинда тақдим қилган iPhone 14 смартфонларининг Pro моделлари, кутилганидек, таблетка шаклидаги тирқиш билан чиқарилди. Бу сафар улар шунчаки тирқиш эмас. Купертинолик компания ҳеч кимнинг ҳаёлига келмайдиган инновация билан яна ҳаммани лол қолдирди. Янги тирқиш "Dynamic Island", яъни "динамик орол" деб аталади ва у фойдаланилаётган иловалар ҳақида қўшимча маълумотлар кўрсатиб туради.
Apple учинчи томон иловаларига ҳам динамик оролдан фойдаланиш имконини беради, яъни дастурчилар ўз иловаларида тирқиш хусусиятларини яратишлари мумкин. Лекин, MacRumors берган маълумотларга кўра, нафақат илова, балки, ўйин ишлаб чиқарувчилари ҳам динамик орол билан ўз креативликларини уйғунлаштиришаётган кўринади.
Who has an iPhone 14 Pro right now? Need to test this on device asap!
— Kriss Smolka (@ksmolka) September 13, 2022
🏝️ Hit The Island - our game concept for iPhone 14 Pro, still laggy but it’s turning out nice :) #iPhone14Pro #iOS16 pic.twitter.com/kWLU77gk6d
WaterMinder, HabitMinder каби иловалар дастурчиси, Крисс Смолка, ўзининг Twitter саҳифасида динамик орол билан ўйналадиган "Hit the Island" номли оддий ўйин консептини тақдим қилди. Демо ўйинда, экран пастидаги таёқ билан коптокни динамик оролга йўналтириш, яъни уни уруш керак. Ҳар сафар копток динамик оролга урулганида у анимацияланади, очко йиғилади. Ўйин қийинчилиги шундаки, копток тезлиги ва сони очко йиғганингиз сари сари ошиб боради ва сиз коптокни ўзингиздан ўтказиб юбормаслигингиз керак.
Дастурчи сўзларига кўра, ўйинда бироз камчиликлар бўлишига қарамай, унинг "келажаги бор". Apple ҳали бундай ўйинларнинг AppStore'га жойланишига рухсат берадими-йўқми номаълум, лекин тез кунларда iPhone 14 Pro моделларининг динамик ороли билан боғлиқ турли хил қизиқарли ўйинлар пайдо бўладиган кўринади.
ЎҚИНГ: Samsung ҳеч қандай тугмаларсиз смартфон чиқариши мумкин
