Бу смартфон Manchester Arena’даги портлашда аёлни ўлимдан сақлаб қолди
22 май куни кечки пайт Англиядаги Manchester Arena стадионида рўй берган террорчилик ҳужуми 22 кишининг умрига зомин бўлиб, юзлаб одамларни жароҳатлади.
Лиза Брижет эса ёнгинасида рўй берган ҳалокатли портлашдан бахтли тасодиф, аниқроғи смартфони туфайли омон қолган.
Ариана Гранде концертида содир бўлган портлаш натижасида бир бўлак темир смартфонни қулоғига тутганча суҳбатлашаётган аёлнинг ўрта бармоғини кесиб, смартфон корпусига урилади, юз ва бурун қисмига жароҳат етказади.
Лиза айни пайтда касалхонада даволаняпти. Гарчи, бармоғидан айрилган бўлса ҳам, омон қолганидан хурсанд. Унинг эрининг фикрича, смартфоннинг металл корпуси учиб келган темир бўлаги зарбини қайтарган ва турмуш ўртоғининг ҳаётини сақлаб қолган.
